« ასპირინი და რძე კიბოს წინააღმდეგ »

ავტორი: admin

თარიღი: 2013-01-25 11:47:08

ასპირინი და რძე კიბოს წინააღმდეგ

ჩვეულებრივი ასპირინის აბი და რძე საშუალებას მოგცემთ, მნიშვნელოვნად შეამციროთ ონკოლოგიური სნეულებით დაავადების რისკი. მეცნიერები ამ “კოქტეილის” მიღებას ყოველდღიურად გვირჩევენ.

ოქსფორდის უნივერსიტეტის მეცნიერები 25 570 პაციენტს აკვირდებოდნენ, რომლებიც ასპირინს 4 წლის განმავლობაში რეგულარულად იღებდნენ. ანალიზებმა აჩვენეს, რომ დაავადების რისკი მათ შემთხვევაში 10%-ით შემცირდა. სენსაციური გამოკვლევის შედეგები სამედიცინო გამოცემა “Lancet”-მა გამოაქვეყნა.

“შესაძლოა, ასპირინი უნიკალური წამალი აღმოჩნდეს. ის ადამიანებს საშუალებას მისცემს, საშიში დაავადებების რისკი მნიშვნელოვნად შეამცირონ”, – განაცხადა კვლევის ხელმძღვანელმა, პროფესორმა პიტერ როტუელმა. ის დარწმუნებულია, რომ ასპირინის “ჯადოსნური” ეფექტი ზოგიერთი დაავადების შემთხვევაში აშკარაა. მაგალითად, პრეპარატის 20 წლის განმავლობაში რეგულარულად მიღება ფილტვის კიბოს 30%-ით, კუჭის – 40%-ით, ხოლო ყელის კიბოთი დაავადების ალბათობას 60%-ით შეამცირებს.

პროფესორ როტუელის აზრით, კიბოს პრევენციიისთვის ასპირინის დალევა ადამიანმა 40-45 წლის ასაკში უნდა დაიწყოს და მთელი სიცოცხლის განმავლობაში გააგრძელოს. რძის დაყოლება აუცილებელი პირობაა.

ჩვეულებრივ ასპირინის მოხმარებას იმის გამო ზღუდავენ, რომ მას კუჭ-ნაწლავში სისხლდენის გამოწვევა შეუძლია. როტუელის მტკიცებით, პრეპარატის დადებითი ეფექტი მის გვერდით მოვლენებს ანეიტრალებს.