« გუბაზ სანიკიძე - პატივია, რომ პრეზიდენტს ჩემი სურათი ჯიბით დააქვს »

ავტორი:

თარიღი: 2013-07-13 03:28:49

13/07/13  03:35

სააკაშვილს ვურჩევ, ჯობია გუბაზ სანიკიძეს ეძინოს. ამის შესახებ, "ეროვნული ფორუმის" ერთ-ერთმა ლიდერმა გუბაზ სანიკიძემ დღეს, პარლამეტში გამართულ ბრიფინგზე განაცხადა. 

სანიკიძისთვის დიდი პატივია, რომ პრეზიდენტს მისი სურათი ჯიბით დააქვს.

"ეროვნული ფორუმი" არის ქართული ინტერესების სადარაჯოზე, ფხიზლად, არასდროს ჩამოგვეძინება, განსხვავებით იმისგან, რომ შეიძლება პარლამენტშიც ჩამოგვეძინოს, თუმცა სააკაშვილს ვურჩევ, ჯობია გუბაზ სანიკიძეს ეძინოს, ვიდრე იფხიზლოს. ისე ჩემთვის დიდი პატივია, რომ ჯიბით დააქვს ჩემი სურათი, როგორც ჩანს რაღაც გრძნობები გაუჩნდა ჩემს მიმართ, მაგრამ ასეთივე გრძნობებს ნუ ელის ჩემგან. სასიამოვნოა ჩემთვის, რომ ჩემი სურათით დადის სააკაშვილი, შემიძლია სხვა სურათებიც მივაწოდო მას, სადაც უფრო სხვა მდგომარეობაში ვარ", - აღნიშნა მან.