« მწვანე გაროხის კრემ-სუპი »

ავტორი:

თარიღი: 2013-09-10 20:10:52

ინგრედიენტები:
მწვანე გაროხი 500გრ
ნაღები 200გრ(10-20-%)
კარტოფილი 200გრ
ხახვი 100გრ
პიტნა 2-3ღერო
კარაქი 1ს/კ
მარილი გემოვნებთ

მომზადების წესი:
ხახვი გავასუფთაოთ და წვრილად დავჭრათ.

კარტოფილიც გავასუფთაოთ და დავჭრათ საშუალო ზომის ნაჭრებად.

პიტნის ღეროებს გავაცალოთ ფოთლები და წვრილად დავჭრათ.

ქვაბში ჩავუშვათ ცხიმი და ხახვი, ხახვი მოვთუშოთ 3-5წუთის მანძილზე დარბილებამდე.

დავასხათ 500-600მლ წყალი და ავადუღოთ, დავამატოთ კარტოფილი და მოვაყაროთ მარილი. ვადუღოთ სანამ კარტოფილი არ დარბილდება.

შემდეგ დავამატოთ გაროხი და პიტნა. და კიდევ წამოვადუღოთ 1-2 წუთით.

შემდეგ სუპი ჩავასხათ ბლენდერში და დავაბლენდეროთ სასიამოვნო კრემისებრ სტრუქტურამდე, შემდეგ დავაბრუნოთ ისევ ქვაბში და მოვასხათ ნაღები. ამოვურიოთ და გავათბოთ სუპი სასურველ ტემპერატურამდე, მაგრამ არ ავადუღოთ.