EVPATORI Web Resources


გამოკითხვა

მოგწონთ ნოველები - ჩვენი საქმე

დიახ
არა
კარგად იკითხება
ვერ გავიგე
ამორალურია


დარეგისტრირებული მომხმარებლები

Kaiadamiani

Vanga

ადვოკატიი

ადვოკატი

GURAM123




« (თემა) ჩვენი სამყაროს დასასრული »

კატეგორია: საინტერესო ამბები

ავტორი: admin

თარიღი: 2012-12-15 01:01:50

ჩვენი სამყაროს დასასრული

 

თემასთან დაკავშირებით აღვნიშნავთ რომ უამრავი კრიტიკული ვითარებისა,  საშიშროებისა რომელიც მრავალგზის ემუქრებოდა დედამიწას კოსმოსიდან; უახლოეს მომავალში დედამიწას განადგურება არ ემუქრება ყოველ შემთხვევაში ჯერ ჯერობით მაინც :) (მარადიული მხოლოდ უფალია) პატივისცემით ევპატორი ჯე-ს ადმინი. ქვემოთ შეგიძლიათ იხილოთ სხვადასხვა საიტებზე განთავსებული სტატიები, რომელიც საკმაოდ საინტერესო წასაკითხია...


 

 
2012 წლის 21 დეკემბერი - სამყაროს აღსასრული, თუ დედამიწის განვითარების საეტაპო მნიშვნელობის თარიღი. რა ელის საქართველოს? რამ გამოიწვია ასეთი აჟიოტაჟი? რატომაა საზოგადოების ნაწილი პანიკაში? რამდენად ახლოსაა რეალობასთან ხალხში გავრცელებული მოსაზრება კაცობრიობის განადგურების შესახებ?
 
თუ რას უნდა ელოდეთ სინამდვილეში 2012 წელს, ამის შესახებ "რეზონანსი" ასტროლოგ მიხეილ ცაგარელს ესაუბრა. 
 
- საზოგადოების ნაწილი პანიკაშია, 2012 წელს არის თუ არა კატაკლიზმები მოსალოდნელი? 
- საზოგადოებაში პანიკა და შიში დიდია. იცვლება დედამიწის გრავიტაცია, რამაც შეიძლება გამოიწვიოს შეჯახებები, ასტეროიდების, კომეტების მოძრაობის ტრაექტორიის შეცვლა. 
 
დავიწყოთ ისტორიული რაკურსით. ზოგადი წესი - მოძრაობის ტრაექტორია და კოსმიურის დაკანონების ზოგადი პრინციპი გვამცნობს, რომ დაახლოებით ყოველ 2160-2500 წელიწადში დედამიწაზე ხდება ენერგეტიკული ცვალებადობა, ანუ, იცვლება ენერგია, გეომუხტი. 
 
ყველა ადამიანს აქვს გარკვეული პერიოდი ცხოვრებაში, როცა მის ფსიქოტიპში, ხასიათში სერიოზული ცვლილებებია. ადამიანს 30 წლის ასაკში არ აინტერესებს ის, რაც აინტერესებდა 14 წლის ასაკში. ხდება სერიოზული ცვლილებები. იმიტომ, რომ ადამიანი ვითარდება, სულიერად ევოლუცია ხდება. 
 
ასევეა დედამიწის პროგრამა. კაცობრიობა თანდათან უნდა გავიდეს განვითარების ზემო ფენებში. ანუ, თუ ადამიანის დღევანდელი მდგომარეობა, მისი მსოფლმხედველობა უკავშირდება ცხოვრების განვითარების მესამე ეტაპს, მოვიდა დრო, როდესაც ადამიანის ცნობიერებამ უნდა გადაინაცვლოს მეოთხე განზომილებაში. 
 
2000 წლის წინ ცის კაბადონზე მოხდა სერიოზული ბრძოლა შავ და თეთრ ძალებს შორის, შეტაკება პლუს და მინუს ენერგიებს შორის. მაშინ გაიმარჯვეს უარყოფითი ენერგიის მატარებელმა ძალებმა. მათ პრეროგატივაში იყო დედამიწის დანგრევა და თეთრი რასის მთლიანად მოსპობა. ეს რომ არ მომხდარიყო, საჭირო იყო დიდი სულიერი მესიის მსხვერპლშეწირვა, რათა გადარჩენილიყო თეთრი რასა. ეს მოხდა ისეოს მოსვლით და მსხვერპლშეწირვის სახით, რის შედეგადაც თეთრი რასა გადარჩა. 
 
გავიდა დრო და როგორც ბიბლია გვამცნობს, მოდის აპოკალიფსური წლები. აპოკალიფსი ზოგისთვის არის მესიის მოსვლა, ზოგისთვის (პესიმისტებისთვის) ეს არის საყოველთაო ნგრევის პროცესი. მე ვეკუთვნი ოპტიმისტებს და მივიჩნევ, რომ მესიის მოსვლა უფრო ახლოა სინამდვილესთან, ვიდრე ნგრევა. 
 
ამაზე მეტყველებდა მაიას ტომის წინასწარმეტყველება, რომლებმაც აღნიშნეს, რომ 2012 წლის 21 დეკემბერს უნდა ჩაესვენოს მეხუთე მზე (განვითარების მეხუთე ეტაპი) და უნდა ამოვიდეს მეექვსე მზე განვითარებისა. ეს პროცესი შეიძლება იყოს დაკავშირებული საყოველთაო კატაკლიზმებთან დედამიწაზე. 
 
ბიბლიაში ჩვენ ეს ყველაფერი გვაქვს აპოკალიფსისი სახით, მაგრამ ამას უნდა ახსნა-განმარტება. საზოგადოება შეცდომაში შეიყვანეს. გააკეთეს ბლოგბასტერები, დიდი ფული. ხალხში დაისადგურა შიშმა. ჟურნალისტებმა და კინომატოგრაფისტებმა ჩადეს ძალიან ცუდი, უარყოფითი მუხტი დედამიწაზე. 
 
- რა ხდება სინამდვილეში?
- სინამდვილეში სამყაროს აღსასრული კი არა, მიმდინარეობს ადამიანის ცნობიერების გადასვლა მეოთხე განზომილებაში. 21 დეკემბერს სრულდება განვითარების მეხუთე ეტაპი და იწყება მეექვსე მზის ამოსვენება. ჰგონიათ, რომ მეხუთე მზე ჩაესვენა და დამთავრდა ცხოვრება. მაგრამ, სინამდვილეში განვითარების ახალი ეტაპი იწყება. 
 
- რატომ ფიქრობთ, რომ სამყაროს აღსასრული არ ელის?
- არაერთი მინიშნებაა, რომ კატაკლიზმები არ იქნება დამანგრეველი და თეთრი რასა იმსახურებს სიცოცხლეს, მათ შორის, ერთ-ერთი და უმთავრესი, დედამიწაზე იისფერი ინდიგო რასის შემოსვლაა. 
 
პირველი თაობა წამოვიდა 1979-1981 წლებიდან. ისინი ძალიან ძლიერი ინტელექტუალური პოტენციალის მქონე ბავშვები არიან. 2002 წლის თებერვლიდან ვინც იბადება, ყველა ინდიგოა. ჩვენ, თეთრი რასა, ჩამოვედით დიდი დათვის თანავარსკვლავედიდან და ისინი ჩამოვიდნენ ლირის თანავარსკვლავედიდან. ისინი არიან აბსოლუტურად სულ სხვა მონაცემების და პოტენციალის ადამიანები. 
 
უფალმა ეს დიდი მასა ჩვენს სამყაროში შემოიყვანა იმიტომ, რომ შემოიტანონ ის დადებითი ენერგია, რომლითაც მოხდება უარყოფითი ენერგიის, ანუ თეთრი რასის ცოდვების ნეიტრალიზება და აქედან გამომდინარე, თეთრი რასა გადარჩება, ოღონდ გაივლის კატაკლიზმების ეტაპს. 
 
ინდიგო რასის შემოსვლით შემოდის კორექცია და ეს არის საფუძველი იმის, რომ არ იქნება ნგრევა. კატაკლიზმები იქნება, მაგრამ შერბილებული ფორმით. 
 
- საქართველოზე როგორ აისახება განვითარების ახალ ეტაპზე გადასვლა. რა არის ჩვენს ქვეყანაში მოსალოდნელი? 
- საქართველო უჯრედია სამყაროსი, როგორც კი სხვა უჯრედებში კატაკლიზმები იწყება, საქართველოს ეს ურტყამს მომენტალურად - მორალურად, ეკონომიურად, ფსიქოლოგიურად. ამიტომ საქართველო ვერ განცალკვდება, მაგრამ შედარებით სხვა ქვეყნებისგან ის დაცულია. 
 
- რის გამოა დაცული?
- საქართველოში ახლა შემოსვლას იწყებს შვიდი ანგელოზის ენერგია. ეს ნიშნავს, რომ ღვთიური ძალების მფარველობა ძლიერდება. ბოლო ოცი წელია, ქვეყანა სულ ომებში, ჩხუბში, შავი ნეგატიური ენერგიის განვითარებაშია. ერში გაჩნდა არნახული ეგოიზმი, არნახული ამბიციები, გადამეტებული ამპარტავნობა, უზარმაზარი უპასუხისმგებლობის ელემენტები და სხვა. 
 
ერი წავიდა არა ცნობიერების, არა სწავლის, არა სულიერი განვითარების გზით, არამედ ჭამის და სექის გზით, წავიდა დაბალი ინსტიქტების განვითარების გზით, რაც დამანგრეველია ქვეყნისთვის. 
 
საქართველოს მისია არის სიყვარულის ცოდნა, მეგობრობის ელემენტების მაღალ დონეზე დაყენება, მაგრამ ის არ ასრულებს მას და ამიტომ ბოლო 20 წელია, დასჯის მექანიზმი ჩაირთო. ერთი 20 წელია უმძიმეს მდგომარეობაშია - მიტინგები, დემონსტრაციები, ომები, ტერიტორიების დაკარგვა, ეკონომიკური თუ ფსიქოლოგიური პრობლემები, გახრწნა მორალური თვალსაზრისით. 
 
საქართველოს ეს უნდა გაევლო. ტკივლით უნდა ამოგვეწურა ის კოსმიური ვალები, რომლებიც ჩვენ ჩავიდინეთ. ამ დიდი ტკივილის შედეგად საქართველო გაპარტახდა (დემოგრაფიულად, გეოგრაფიულად), მაგრამ სრულდება ეტაპი ტკივილისა, ახლა მოდის განვითარების ახალი ეტაპი. ამ ტკივილით მისი აურა ნელ-ნელა გასუფთავდა. 
 
მე თავიდანვე ვამბობდი, რომ ეს პროცესი საჭირო იყო. ერმა უცებ დაინახა, ვინ არის შავი და ვინ - თეთრი და ვინ - ნაცრისფერი. 
 
საქართველო შედარებით დაცულია ეკოლოგიური კატასტროფების კუთხით, მაგრამ არის სხვა პრობლემები - ნარკომანია, შიდსი, ფსიქოლოგიური პრობლემები, თვითმკვლელობები, რომელთა რაოდენობაც ქვეყანაში გასამმაგებულია. 
 
იყო მიწისძვრები, თუმცა უმნიშვნელო და კიდევ არის მოსალოდნელი, იქნება ღვარცოფები, იქნება წყალდიდობები, იქნება ძალიან მაღალი სიცხე ზაფხულში, რომელმაც შეიძლება ბევრი ხანდაზმული შეიწიროს, მათ შორის ვისაც გულსისხლძარღვთა სისტემა აქვს სუსტი. 
 
ამიტომ ვამბობ, რომ საერთო მსხვერპლი მოიმარტებს, მაგრამ ეს არ ნიშნავს სამყაროსა და კაცობრიობის განადგურებას, ეს ნიშნავს ძველის დასრულებას და ახალი ეტაპის დაწყებას. 
 
- მაიას ტომი 21 დეკემბერს უკავშირებს განვითარების მეხუთე ეტაპის დასრულებას. რატომ 21 დეკემბერი?
- 12 დეკემბერი არის ნებისმიერი წლიური მზის ჩასვენების ეტაპი. მზე ყოველ წელს  25 დეკემბერს იწყებას აღმავლობას. ამიტომ ყველაზე დიდი სულიერი ოსტატები, იესოს ჩათვლით, იბადებიან 25 დეკემბერს. ეს არის მზის გამოღვიძების პერიოდი. საქართველოში ყოველთვის 21 დეკემბერს აცილებდნენ წელიწადს. იყო სპეციალური რიტუალები. 
 
ერთ-ერთი ასეთი რიტუალი იყო- ზარს ფარავდნენ წითელი ქსოვილით და მისი ხმა ცუდად ისმოდა, ანუ ეს იყო უკვე წარმავალი ენერგიის მატარებელი და პატივისცემა გასული წლისადმი. 25-ში ზევიდან დაფარებულ ქსოვილს აძრობდნენ და ზარს ქონდა წკრიალა ხმა. 25-ში ხვდებოდნენ ახალ წელს. 21-ში მზე ასრულებს თავის წლიურ პროგრამას, ჩაესვენა დამთავრდა წელიწადი. 
 
ეს თარიღი წელს განსაკუთრებით მნიშვნელოვანია გლობალური კუთხით, რადგან  ამ დროს სრულდება არა წლიური განვითარება მზისა, არამედ საუკუნეობრივი და იწყება ახალი ეტაპი, რომელიც მინიმუმ 2500 წელი გაგრძელდება. 
 
- როგორც აღნიშნეთ, 2012 წლის განმავლობაში კატაკლიზმები ეტაპობრივად მოხდება. 21 დეკემბერს რამე განსაკუთრებული ხომ არ არის მოსალოდნელი?
- 21 დეკამბერს არაფერი სერიოზული და დაგეგმილი არ იქნება, მაგრამ შესაძლებელია, რომ აქაც ეკოლოგიურმა კატასტოროფებმა იჩინოს თავი. შესაძლოა ცალკეულ სახელმწიფოებს შორის დაპირისპირებას ჰქონდეს ადგილი, მოსალოდნელია აგრესიისა და დეპრესიის მეტად გამოვლენა, ადამიანებში ფსიქოლოგიური პრობლემები. ზოგს ექნება წნევის სახით პრობლემები, ზოგს შეიძლება გულმა უმტყუნოს. შესაძლოა სადმე იყოს მიწისძვრები და ღვარცოფები. ამ დღეს ყველაფერი უფრო მეტად იჩენს თავს. ეს არის პიკი ამ პროცესებისა. 
 
- რა იქნება 2012 წლის შემდეგ?
- 2014 წლიდან იწყება სერიოზული აღმშენებლობის პერიოდი, რომლის მსვლელობისას საქართველოში თანდათან დაისადგურებს სტაბილურობა, ეკონომიკური წინსვლის ტენდენციები, დაიწყება სულიერი განვითარების ეტაპი. ჩვენ ამას რეალურად ვიგრძნობთ 2018-20 წლებისთვის.
 

 

 
ახალმა გამოკვლევებმა აჩვენა, რომ კოსმოსში დაახლოებით 47 000 ასტეროიდი იმყოფება დედამიწასთან შეჯახებისთვის ძალიან ახლოს. ყველაზე სახიფათო არის დაახლოებით 700 მეტრიან ასტეროიდი. ამ ასტეროიდთან შეჯახებამ შეიძლება გამანადგურებელი ზიანი მიაყენოს დედამიწას. ეს ასტეროიდი საკმაოდ დიდია და თავისუფლად შეუძლია დედამიწის განადგურება. ამ ასტეროიდის გარდა დედამიწასთან კიდევ მრავალი ასტეროიდია, რომელთაც შეუძლიათ ქალაქის განადგურება. ყველაზე საშიში ასტეროიდები იმყოფებიან დედამიწისგან დაახლოებით 5 მილიონი კილომეტრის დაშორებით. ამის გარდა ისინი საკმარისად დიდები არიან იმისათვის, რომ არ განადგურდნენ ატმოსფეროში შემოსვლის დროს და მოუტანონ ზიანი ქალაქს ან მთელ ქვეყანას. 

2012 წლის 21 დეკემბერს მეცნიერების აზრით სამყაროს აღსასრული დადგება, მაგრამ რა გზით ეს უცნობია. კიდევ ნახევარი წლის წინათ გვეგონა, რომ 2012 და დედამიწის აღსასრული მცდარი ჭორები იყო. მაგრამ ხალხის ყურადღება მიიპყრო 2011-2012 წელს მომხდარმა კატასტროფებმა: გლობალური დათბობა, მიწისძვრა, ცუნამი, პათოლოგიური სიცივე და სიცხე, წყალდიდობა. 2011 წელს კი დამყარდა რეკორდი მომხდარ კატასტროფებში ანუ ამდენი კატასტროფა ერთ წელს არასდროს არ მომხდარა. მოხდება ის რაც საუკუნეებით ადრე იყო ნათქვამი.. დედამიწას არ შეუძლია იარსებოს ასეთ მდგომარეობაში საჭიროა ასე ვთქვათ დედამიწის გადაბადება ("перерождение") - პროცესი, რომელსაც ხალხი აკვირდება. არსებობს კიდევ რამოდენიმე ვარიანტი ქვეყნის აღსასრულისა, თუმცა ჯერ-ჯერობით მხოლოდ ეს ორი ვარიანტი მოიაზრება ყველაზე რეალურად.. ( თუ შეიძლება ამას რეალური ვუწოდოთ! )

 


 

 
ინტერნეტში ბოლო დროს გავრცელებულ ინფორმაციასთან დაკავშირებით, რომელიც ეხება
გლობალურ სიბნელეს და თითქოსდა ტიბეტელი ორაკულთუხუცესის წინასწარმეტყველებას, მინდა გითხრათ რომ ეს ყოველივე არის სრული სიცრუე.
 
დასამშვიდებლად გაეცანით ქვემოთ მოყვანილ სტატიას და დაამშვიდეთ სხვებიც
("მაიას კალენდრის" ისტერიის შესახებ)
 
ჩვენ მაიას კალენდარზე ადრეც ვისაუბრეთ, თუმცა კვლავ ვუბრუნდებით ამ თემას, მითუმეტეს, რომ ბოლო პერიოდში ერთიმეორეს მიყოლებით გამოვიდა რამდენიმე ფილმი მაიას კალენდრის და თარიღის – 2012 წლის 21 დეკემბრის შესახებ. განსაკუთრებული ხმაური გამოიწვია რონალდ ემერიხის ფილმმა "2012". ამ ფილმის ბიუჯეტი მართლაც კოლოსალურია (200 000 000 დოლარი), ამასთან ფილმის უხვად არის გამოყენებული სპეც-ეფექტები და მთლიანობაში ფილმის ფართო ეკრანზე ხილვა მართლაც შოკს იწვევს. მაინც რამ გამოიწვია ამხელა ხმაური?! ნუთუ მაიას კალენდარი დედამიწის დასასრულის შესახებ ინფორმაციას შეიცავს?! ან სულაც ეს ჩვეულებრივი სარეკლამო ტრიუკია, რათა ფილმი ბევრმა მაყურებელმა ნახოს და ფილმში "ჩადებული" თანხა წყალში გადაყრილი არ აღმოჩნდეს.
 
დაახლოებით ჩვ. წ. აღ-მდე 400 წელს მაიას ქურუმებმა შექმნეს კალენდარი, რომელიც უფრო ზუსტია, ვიდრე ის, რომლითაც დღეს დედამიწის მოსახლეობის უმეტესი ნაწილი სარგებლობს (ე. წ. "გრიგორიანული კალენდარი").
მაიას კალენდარს იყენებდა ასევე მესოამერიკის დანარჩენი მოსახლეობაც – აცტეკები, ტოლტეკები, ომლეკები და ა. შ.
ეს კალენდარი შედგებოდა ორი კალენდრისგან (ნაწილისგან) ცოლკინისგან (260 დღიანი რელიგიური კალენდარი) და ჰააბისგან (365 დღიანი სამოქალაქო კალენდარი).
მაგალითად, მაიას კალენდარული სისტემით დედამიწის მზის გარშემოვლის პერიოდი, 365,2421 დღე-ღამეა, ხოლო ე. წ. "გრიგორიანული" კალენდარი (რომელიც ევროპის წამყვანმა ასტრონომებმა შექმნეს) 365,2424 დღე-ღამეა, ანუ ტროპიკულ წელთან უფრო ახლოს მაიას კალენდარი დგას.
მეცნიერებს დღემდე ვერ აუხსნიათ, როგორ, რა სისტემით შეძლეს მაიას ქურუმებმა ამ კალენდრის შედგენა. ეს არის არა მხოლოდ კალენდარი, რომლის დახმარებით გამოიანგარიშება დღეები, თვეები ან წლები, არამედ ის უჩვენებს დედამიწის ცივილიზაციათა ეპოქებს.
 
მაიას კალენდარს სულ რვა ციკლი აქვს:
* 1 უინალი = 20 დღე–ღამე
* 1 ტუნი = 18 უინალი = 360 დღე–ღამე (დააახლოებით 1 წელი)
* 1 კატუნი = 20 ტუნი = 7200 დღე–ღამე (19 წელი და 265 დღე–ღამე)
* 1 ბაკტუნი = 20 კატუნი = 144 000 დღე–ღამე (394 წელი და 190 დღე–ღამე)
* 1 პიკტუნი = 20 ბაკტუნი = 2 880 000 დღე–ღამე (7 890 წელი და 150 დღე–ღამე)
* 1 კალაბტუნი = 20 პიკტუნი = 57 000 000 დღე–ღამე (156 164 წელი და 140 დღე–ღამე)
* 1 კინჩილპტუნი = 20 კალაბტუნი = 1 152 000 000 დღე–ღამე (3 156 164 წელი და 140 დღე–ღამე)
* 1 ალაუტუნი = 20 კინჩილპტუნი = 23 040 000 000 დღე–ღამე (63 123 287 წელი და 245 დღე–ღამე).
ეს რაც შეეხებოდა მაიას კალენდრის ციკლებს.
 
და რა ხდება 2012 წლის 21 დეკემბერს, რომელმაც ასეთი ხმაური გამოიწვია?! ამ დღეს მაიას კალენდარით სრულდება 13 ბაკტუნი. უნდა ითქვას, რომ მაიას ქურუმების თარიღის ჩაწერას საკმაოდ საინტერესო ფორმა ჰქონდა. ის დაახლოებით იწერებოდა ისე, როგორც დღეს კომპიუტერის ე. წ. IP მისამართი იწერება. მაგალითად, 2012 წლის 21 დეკემბერი ასე დაიწერება: 13.0.0.0.0.
ცნობისთვის, 12 ბაკტუნი გრიგორიანული კალენდრით 1618 წლის 18 სექტემბერს იყო, 11 ბაკტუნი – 1224 წლის 15 ივნისს, ხოლო 0 ბაკტუნი – ჩვ. წ. აღ-მდე 3113 წლის 11 აგვისტოს.
მაიას კალენდრის მიხედვით ყოველი ასე ვთქვათ, "შექმნის ეპოქა" 13 ბაკტუნისგან შედგება (1 872 000 დღე = 5125 წელი და 4,5 თვე). მაიას ქურუმების სიტყვებით 13 ბაკტუნის ბოლოს, ანუ გრიგორიანული კალენდრით 2012 წლის 21 დეკემბერს დასრულდება "მზის მეოთხე ერა" და "მზის მეხუთე ერა"იწყება. მაიას კალენდარში და რელიგიურ ტრაქტატებში არაფერია ნათქვამი სამყაროს დასასრულზე, კატასტროფებსა და კატაკლიზმებზე. მეცნიერებს ისიც ვერ ამოუხსნიათ "მზის მეოთხე ერის" დასასრული მაიას ქურუმების გათვლით მხოლოდ მაიას ცივილიზაციისთვის უნდა მომხდარიყო თუ საერთოდ კაცობრიობისთვის.
ასტროლოგიური პარამეტრებით 2012 წლის 21 დეკემბერს ცის კაბადონზე პლანეტათა რაიმე მნიშვნელოვანი და მითუმეტეს, ნეგატიური კონფიგურაცია არ ფიქსირდება. ასტროლოგიაში გლობალურ მოვლენებზე, კატაკლიზმებსა და სხვა მსოფლიო მნიშვნელობის ცვლილებებს ე. წ. "უნივერსალური პლანეტები" – ურანი, ნეპტუნი და პლუტონი მართავენ. ამ პერიოდში ამ პლანეტების რაიმე ნეგატიური გავლენა არ ფიქსირდება, რაც იმის მიმანიშნებელია, რომ 2012 წლის 21 დეკემბერს რაიმე ნეგატიურ მოვლენას და მითუმეტეს, გლობალურ კატასტროფას და კატაკლიზმს არ უნდა ველოდოთ. ასე რომ, 2012 წლის 21 დეკემბერი ნამდვილად არ არის საშიში.