EVPATORI Web Resources


გამოკითხვა

მოგწონთ ნოველები - ჩვენი საქმე

დიახ
არა
კარგად იკითხება
ვერ გავიგე
ამორალურია


დარეგისტრირებული მომხმარებლები

Kaiadamiani

Vanga

ადვოკატიი

ადვოკატი

GURAM123




« ირაკლი ალასანია ნაციონალების გუნდის წევრი იყო და ეტყობა, ისევ აქვს მათდამი სიმპათია »

კატეგორია: დღის ამბები

ავტორი: admin

თარიღი: 2014-04-23 17:44:13

ირაკლი ალასანია ნაციონალების გუნდის წევრი იყო და ეტყობა, ისევ აქვს მათდამი სიმპათია

14-04-2014

ტრისტან წითელაშვილი: "ხმამაღლა ვაცხადებ: ეს ადამიანები ემზადებიან არეულობის დროს ხალხის დასახოცად, მათ შორის მოქმედი პოლიტიკოსების"

გივი თარგამაძე: "წითელაშვილი არის რუსი კაზაკების გენერალი... რუსებმა რაც მოსთხოვეს, ის თქვა..."


უკრაინის რევოლუციის დროს სნაიპერების მიერ მოკლული 13 აქტივისტი დიდხანს არ დაავიწყდება მსოფლიოს. მაშინ ადამიანებზე მონადირენი პუტინთან იყვნენ ასოცირებული, თუმცა მოგვიანებით, ესტონეთის საგარეო საქმეთა მინისტრის, ურმას პაეტისა და ევროკავშირის უმაღლესი წარმომადგენლის ქეთრინ ეშტონის საუბრის ჩანაწერის ყოუტუბე-ზე გავრცელების შემდეგ ცნობილი გახდა, რომ მსროლელები, რომლებიც "ბერკუტს" და მშვიდობიან დემონსტრანტებს სასიკვდილოდ იმეტებდნენ, შესაძლოა რევოლუციონერთა რიგებიდანაც ყოფილიყვნენ. ქართული არმიის გენერალი, ბატალიონ "ავაზას"”ყოფილი სარდალი ტრისტან წითელაშვილი რუსულ ტელეკომპანიასთან ამბობს, რომ მაიდნის აქციებში უშუალოდ სააკაშვილს დაქვემდებარებული 4 ქართველი სნაიპერი მონაწილეობდა. სკანდალურ ინფორმაციაზე ტრისტან წითელაშვილს ვესაუბრეთ:

- ეს ინფორმაცია გადამოწმებულია და ამ საკითხებით დაინტერესებულია საქართველოს პროკურატურა. მაიდნის ოპერაციისთვის უკრაინასა და საქართველოში წინასწარ ემზადებოდნენ, ვგულისხმობ "ნაციონალური მოძრაობის" ზონდერჯგუფებს. ჯერ კიდევ 2010 წლის უკრაინის საპრეზიდენტო არჩევნების დროს ცდილობდა სააკაშვილის გუნდი იქ სიტუაციის არევას. მაშინ იგეგმებოდა ის, რაც ახლა მოხდა მაიდანზე, ამიტომაც 2000-მდე ძალოვანი უწყების წარმომადგენელი ჩაიყვანეს და გაანაწილეს უკრაინის სხვადასხვა ქალაქში. მაშინ იქაურ ძალოვან სამსახურებს ეყოთ გონიერება და დროულად გაანეიტრალეს ეს ადამიანები.

- რა იცით მაიდანზე მოქმედი სნაიპერების თუ ზონდერების შესახებ, რომელზეც რუსულ ტელეკომპანიასთან ისაუბრეთ?
- ვიცი, რომ მაიდანზე 4 ქართველი სნაიპერი მუშაობდა. საქართველოდან ასევე ჩაყვანილი ჰყავდათ სხვა ზონდერჯგუფებიც, რომლებიც მომიტინგეებში იყვნენ შერეული. უკრაინაში სნაიპერები ჩავიდნენ ასევე ბალტიისპირეთიდან, პოლონეთიდან, რუსეთიდან, იყვნენ ადგილობრივებიც.

ქართველი სნაიპერები ვანო მერაბიშვილის უწყებაში მუშაობდნენ. ისინი მარტო მაიდნის ოპერაციაში კი არა, საქართველოში ყველა ბინძურ საქმეში მონაწილეობდნენ. ჩვენ ვიცით მათი ვინაობა,
მაგრამ, გამოძიების ინტერესებიდან გამომდინარე, არ ვახმაურებთ. ვიცით ისიც, როდის ჩაფრინდნენ ბორისპოლის აეროპორტში, სად იკრიბებოდნენ დირექტივების მისაღებად.
ვიცი, რომ ქართველ ზონდერებსა და სნაიპერებს კიევში ჰქონდათ შტაბი, რომელსაც "ნაციონალური მოძრაობის" ლიდერები ხელმძღვანელობდნენ.

"საქართველოს განმათავისუფლებელ შტაბს", როგორც ისინი უწოდებდნენ, ხშირად სტუმრობდნენ: მიხეილ სააკაშვილი, გია ბარამიძე, გივი თარგამაძე, გიგა ბოკერია, გიორგი ვაშაძე და გადაწყვეტილებებს იღებდნენ. იმასაც განსაზღვრავდნენ, თუ როგორ უნდა ემოქმედათ სნაიპერებს. მათ ზონდერებს ევალებოდათ "ბერკუტთან" ჩხუბის პროვოცირება, რაც მასობრივ დაპირისპირებას გამოიწვევდა.

- რატომ ვერ აიყვანეს უკრაინის სპეცსამსახურებმა ჩასაფრებული მკვლელები, თუკი ისინი რევოლუციონერთა გუნდიდან იყვნენ?
- მოვალეობის აღსრულებისას სნაიპერების უსაფრთხოებას ე.წ. "კრიშები" იცავდნენ.  სპეცსამსახურებმა კარგად იცოდნენ, რომ სნაიპერთა განლაგების ადგილებზე შესვლა სერიოზულ დაპირისპირებაში გადაიზრდებოდა და ამასაც მოერიდნენ.

- დღეს სად არის ეს ხალხი?
- ოთხივე სნაიპერი ამჟამად  საქართველოშია და თბილისური მაიდნისთვის ემზადება. მათი მიზანია პროვოკაციები და  დესტაბილიზაცია გამოიწვიონ, რის შემდეგაც შემოვლენ რუსები, როგორც ეს გააკეთეს 2008 წელს, აგვისტოს ომის დროს...
ესენი ყოფილი ძალოვანები არიან, რომლებიც ვანო მერაბიშვილისა და ბაჩანა ახალაიას დროს მუშაობდნენ.
ხმამაღლა ვაცხადებ: ეს ადამიანები ემზადებიან არეულობის დროს ხალხის დასახოცად, მათ შორის მოქმედი პოლიტიკოსებისა.

- ჭიკაიძის განცხადებაც ამაზე მეტყველებდა?!
- შს მინისტრმა "ნაციონალების" გეგმის მცირე ნაწილი გაახმოვანა, რითაც გაგვაფრთხილა, რომ შემდგომი მოქმედებები უცხო არ აღმოჩნდეს... ახლო მომავალში გავავრცელებთ 50 კაცის სიას, რომლებსაც ახალაიასა და შაშკინის მინისტრობის დროს საჩუქრად ლეგალურად აქვთ მიღებული სახელობითი იარაღი. მესმის ოფიცერი პრეზიდენტმა დააჯილდოოს იარაღით, მაგრამ არ მესმის,
როგორ მიიღო ერთი ბრძანების საფუძველზე 50-მა ოფიცერმა ერთდროულად შაშხანები და პისტოლეტები. სამწუხაროდ, მათი 70% ისევ თავდაცვის სამინისტროში მუშაობს და "ნაციონალების" დაძახებაზე თვალის დახამხამებაში მოახდენენ რეაგირებას.

- მინისტრმა არაფერი იცის ამ ხალხზე?
- გარკვეული სახის მესიჯები გავუგზავნეთ, თუმცა რეაქცია არ მოჰყოლია. ირაკლი ალასანია "ნაციონალების" გუნდის წევრი იყო და ეტყობა, ისევ აქვს მათდამი სიმპათია. სამწუხაროდ,
თავდაცვის სამინისტროდან ყველა ინფორმაცია, რომელიც  უწყებიდან არ უნდა გადიოდეს, ციხეში ხვდება ბაჩანა ახალაიასთან, ის კი იქიდან დირექტივებს აძლევს თავის ყურმოჭრილ ოფიცრებს. 

- ხომ არ გაქვთ ინფორმაცია თათუხაშვილის მკვლელობაზე?
- თათუხაშვილის მოკვლა ხელისუფლებას არ სჭირდებოდა. ის, როცა პროკურატურიდან გაიპარა, ახალაიას ხალხმა სცემა. მანამდე მას თავისი ნათესავი, აკო მინაშვილის ცოლი მიუგზავნეს და ჩვენების შეცვლა მოსთხოვეს. ვფიქრობ, უარის შემდეგ გადაწყვიტეს, გასწორებოდნენ.

გივი თარგამაძე, პარლამენტის წევრი:
- წითელაშვილი არის რუსი კაზაკების გენერალი, ანუ არანაირი გენერალი არ არის. ჯავშანჟილეტებს იპარავდა და ყიდდა. რუსებმა რაც მოსთხოვეს, ის თქვა...

- ეს განცხადება ხომ არ გააფუჭებს უკრაინა-საქართველოს ურთიერთობას, ასევე, ამ საკითხით ხომ დაინტერესდება დასავლეთი?
- წითელაშვილის განცხადებას სერიოზულად უკრაინაში არავინ მიიღებს, იქ ჩვენ კარგად გვიცნობენ... 

- წითელაშვილი ამბობს, რომ კიევში ქართული შტაბი იყო შექმნილი, რომელსაც თქვენი გუნდი კურირებდა სააკაშვილის ხელმძღვანელობით.
- შტაბთან არანაირი შეხება არ გვქონია. იქ უამრავი სხვა პრობლემა იყო მოსაგვარებელი. მერე კი ტყვეებისა და ცხედრების გაცვლაზე ვმუშაობდით, ბოლომდე იქ ვიყავი.

- ესტონეთის საგარეო საქმეთა მინისტრი და ქეთრინ ეშტონი ჩანაწერში საუბრობენ, რომ დემონსტრანტებს და "ბერკუტს" რევოლუციონერი სნაიპერები ესროდნენ.
- არა. ესტონელი დიპლომატი ამბობდა, რომ ასეთი ვერსიაც გავრცელდა. ეს საკითხი უკვე გამოძიებულია და შემსრულებელთა ნაწილი დააკავეს კიდეც.

გიორგი თავდგირიძე, სამხედრო ექსპერტი: - თუ ამგვარი ინფორმაცია ჰქონდა, ტელევიზიებთან საუბარს აჯობებდა, პროკურატურაში განეცხადებინა. წითელაშვილი სტრუქტურაშია ნამუშევარი და იცის, როგორ  მოახდინოს ამ დროს ფაქტის რეალიზება.  ცუდია, როცა მსგავს თემებს პოლიტიკური სპეკულაციებისთვის იყენებენ.

- წითელაშვილის ამ განცხადების მიზანი ხომ არ იყო ქვეყნის დისკრედიტაცია, რითაც რუსეთმა გარკვეული კოზირი ჩაიგდო ხელთ?
- ასეთ ბრალდებებს ვერ წავუყენებ წითელაშვილს, მაგრამ მისი განცხადება რომ დაუფიქრებელია, ვერ დავმალავ. სტრუქტურაში მომუშავე ადამიანები, მით უმეტეს, პოლკოვნიკები, არ ავრცელებენ გადაუმოწმებელ ინფორმაციას.

- ამბობს, რომ მისი განცხადებით დაინტერესდა პროკურატურა და მალე მის ხელთ არსებულ ყველა დოკუმენტს გადასცემს შესაბამის უწყებებს.
- ვიმეორებ: მას ინფორმაცია პროკურატურისთვის უნდა მიეწოდებინა და დალოდებოდა გამოძიებას. რუსეთს არ სჭირდება ინფორმაცია და დოკუმენტები, მას სჭირდება პიროვნება, მით უმეტეს, გენერლის განცხადება, როგორც ის უწოდებს თავის თავს და ამ ნათქვამს გამოიყენებს, როგორც დადასტურებულ ფაქტს საინფორმაციო ომის საწარმოებლად.

ჩვენს ჩრდილოელ მეზობელს ეს განცხადება საინფორმაციო ომისთვის გამოადგება
- ეს იქნება მათი მიღწევა. რაც შეეხება უკრაინასთან ურთიერთობის გაფუჭებას: წითელაშვილის განცხადების საფუძველზე თუ ვინმე საქართველოს დაუპირისპირდა, კარგად ჰქონიათ საქმე.

წყარო: kvirispalitra.ge