« პარიზში პირველი უპილოტო მინიავტობუსი დაიტესტა »

ავტორი: admin

თარიღი: 2017-01-26 00:12:53

პარიზში პირველი უპილოტო მინიავტობუსი დაიტესტა, რომელსაც ელექტრონული ძრავი აქვს. ავტობუსი ორი კვირის განმავლობაში უფასოდ მოემსახურება საზოგადოებას. ინფორმაციას უცხოური მედია ავრცელებს. ექსპერიმენტული პროექტი 23 იანვარს დაიწყო და თუ ის გაამართლებს, ქალაქის ხელისუფლება მომავალში ასეთი ტრანსპორტის განვითარებას გეგმავს.

პარიზის მერის მოადგილის თქმით, უპილოტო ავტობუსები მალე რევოლუციას მოახდენს მსოფლიოში ტრანსპორტის განვითარების მხრივ და მთლიანად შეცვლის ქალაქებში ადამიანების ცხოვრებას.

2020 წლისთვის მსგავს ავტომობილებს გამოუშვებენ გერმანული BMW და Volkswagen, ამერიკული General Motors, Tesla და კორეული KIA.