« მოგონებების წაშლა შესაძლებელია »

ავტორი: მოხეტიალე

თარიღი: 2017-02-21 15:40:08

მკვლევარებმა მოახერხეს იმის დამტკიცება, რომ მოგონებების წაშლა შესაძლებელია. ინფორმაციას The Independent აქვეყნებს.

მეცნიერებმა შეძლეს მიეკვლიათ ტვინის უჯრედებისთვის, რომლებიც კონკრეტულ მოგონებებს ინახავენ. ამის შესახებ ტორონტოს უნივერსიტეტის პროფესომა შინა ჯოსლინმა ყოველწიურ სამეცნიერო კონფერენციაზე ილაპარაკა.

კვლევის პროცესში, მეცნიერები ამ კონკრეტულ უჯრედებზე, გარკვეული ხმოვანი სიგნალის დასრულებისთანავე, მცირე ელექტროდარტყმებს ახორციელებდნენ. რაღაც დროის შემდეგ, ტვინმა ხელოვნურ ზემოქმედებაზე რეაგირება შეწყვიტა, ანუ ტვინში არ დარჩა მოგონება ტკივილის გამომწვევი მომენტის შესახებ.

მას შემდეგ, რაც მეცნიერებმა ამ უჯრედების ხელმეორედ სტიმულირება, ანუ ჩვეულებრივ მდგომარეობაში დაბრუნება შეძლეს, აღმოჩნდა, რომ მათ ასოციაციურად დამახსოვრებული ჰქონდათ ე.წ. “საშიში სიგნალები”.

მეცნიერები აღნიშნავენ, რომ ამ ტიპის კვლევების ჩატარება ადამიანებზე, ეთიკური ნორმების გამო, შეუძლებელია. თუმცა ფიქრობენ, რომ მომავალში, ტრავმული მოგონებების გონებიდან ამოშლა შესაძლებელი იქნება.