EVPATORI Web Resources


გამოკითხვა

მოგწონთ ნოველები - ჩვენი საქმე

დიახ
არა
კარგად იკითხება
ვერ გავიგე
ამორალურია


დარეგისტრირებული მომხმარებლები

Kaiadamiani

Vanga

ადვოკატიი

ადვოკატი

GURAM123




« ხელოვნურმა ინტელექტმა 360 ათასი საათის საფინანსო სამუშაო წამებში შეასრულა »

კატეგორია: ბიზნეს ჟურნალი

ავტორი: Nisa

თარიღი: 2017-03-11 22:49:36

ხელოვნურმა ინტელექტმა 360 ათასი საათის საფინანსო სამუშაო წამებში შეასრულა
JP Morgan Chase & Co
 
JP Morgan Chase & Co. აშშ-ს ერთ-ერთი უმსხვილესი ბანკია და მასში დაახლოებით 240 ათასი თანამშრომელი მუშაობს. ამ თანამშრომელთა ნაწილი, იურისტები და სესხის ოფიცრები წელიწადში 360 ათას საათს საიჯარო და სესხის ხელშეკრულებების ანალიზსა და დამუშავებას უთმობენ. ეს სამუშაო საათები კომპანიის ახალმა ხელოვნურმა ინტელექტმა COIN-მა, დასწავლის უნარის საშუალებით, რამდენიმე წამამდე დაიყვანა და ამ თანამშრომლების საქმე თვალის დახამხამებაში შეასრულა.
 
COIN იშიფრება როგორც Contract Intellgence, პროგრამა დასწავლის უნარს იყენებს და JP Morgan Chase-ის კერძო ქლაუდ სისტემაზე მუშაობს.
 
გარდა სამუშაოს წამებში შესრულებისა, ხელოვნურმა ინტელექტმა ხელშეკრულებებში დაახლოებით 12 ათასამდე შეცდომა აღმოფხვრა.
 
JP მორგანი ტექნოლოგიებში დიდ ინვესტიციებს დებს; ტექნოლოგიებისა და მარკეტინგის მიმართულებით კომპანიის ბიუჯეტი $9 მილიარდზე მეტია.
 
ხელოვნური ინტელექტის საშუალებით შრომის ავტომატიზაცია მომავლის ეკონომიკის ერთ-ერთი ყველაზე დიდი გამოწვევაა. ერთ-ერთი კვლევის მიხედვით მსოფლიო შრომითი ბაზრის 57% საფრთხის ქვეშ დგას და ადამიანები მასობრივად დაკარგავენ სამსახურებს. სფეროები, რომლებშიც ხელოვნური ინტელექტი ინერგება მრავალფეროვანია, დაწყებული ფინანსური სექტორით, დამთავრებული იურიდიულით, ტრანსპორტითა და საინფორმაციო სფეროებით. სამსახურების მასობრივი დაკარგვის თავიდან ასაცილებლად, ბილ გეიტსმა რობოტებზე გადასახადის დაწესების იდეაც წამოაყენა.
 
on.ge