EVPATORI Web Resources


გამოკითხვა

მოგწონთ ნოველები - ჩვენი საქმე

დიახ
არა
კარგად იკითხება
ვერ გავიგე
ამორალურია


დარეგისტრირებული მომხმარებლები

თემური ურუმაშვილი

giurza

baraza777

gladiatori

George






« დალმატინი »

კატეგორია: ცხოველები / animals

ავტორი: admin

თარიღი: 2017-12-01 18:04:33

დალმატინი

dalmatian

სიმაღლე:ხვადი 56-61სმ, ძუ 54-59სმ.
წონა:ხვადი 27-32კგ. ძუ 24-29კგ.
სიცოცხლის ხანგრძლივობა:14 წლამდე
წარმომავლობა:დალმაცია, ხორვატიის რესპუბლიკა
წარმომავლობა
დალმატინის წარმომავლობიის შესახებ სხვადასხვა ვერსიები არსებობს. ძველეგვიპტური ფარაონების სამარხებში ნაპოვნი სურათების მიხედვით, რომლებიც 16-18 საუკუნით თარიღდება, ვარაუდობენ, რომ დალმატინი რამდენიმე ათასი წლის წინათ არსებობდა. 14 საუკუნის საეკლესიო ქრონიკები მიუთითებენ, რომ ეს ჯიში წარმოშობით, ხმელთაშუაზღვის რეგიონიდან, კერძოდ კი დალმაციის სანაპიროს მიმდებარე ტერიტორიებიდანაა. 
 
ჯიშის აღწერა
დალმატინი კარგად სბალანსირებული, სპეციფიური შეფერილობის,დაკუნთული, ძლიერი და აქტიური ძაღლია. არის ამტანი, შეუძლია სწრაფად მოძრაობა. დალმატინს გრძელი თავი და ძლიერი დრუნჩი აქვს. ცხვირი შავლაქებიანს შავი აქვს,ხოლო ყავისფერლაქებიანს ყავისფერი. თვალები მრგვალი, ჭკვიანური გამოხედვით, შავი ან ყავისფერი. ყურები საკმაოდ ზემოთ დასმული, საშუალო ზომის, რბილი და ჩამოკიდებული. კბილები თანაბარი და თეთრი. კუდი საწყისში ძლიერი, რომელიც წვერისკენ წვრილდება, არ არის უხეში. დალმატინს მოკლე, ხშირი და უხეში ბეწვი აქვს, ძირითადად თეთრი ფერის შავი ან მუქი ყავისფერი ლაქებით. რაც უფრო მეტი ლაქა აქვს და რაც უფრო პროპორციულადაა ისინი სხეულზე გადანაწილებული,მით მეტად ფასობს ძაღლი. 
 
dalmatian
 
ხასიათი
დალმატინი კონტაქტური და მეგობრული ძაღლია. არ არის აგრესიული. ბუნებით ერთგული დალმატინისთვის ძალიან მნიშვნელოვანია პატრონის ყურადღება. დალმატინს განსაკუთრებით ისეთი ოჯახები უყვარს სადაც ბავშვია და პატრონი, რომელსაც მისი დიდი ხნით სეირნობა შეუძლია. სეირნობისას დალმატინი მშვიდი და მეგობრულია, თუმცა არ უყვარს აგრესიული ძაღლები. რბილი ხასიათვის მიუხედავად, დალმატინი გამოირჩევა განსაკუთრებული სიმამაცით. საერთოდ კარგავს შიშის შეგრძნებას როდესაც საფრთხე ემუქრება მას, ან მის პატრონს. ასეთ შემთხვევაში მას შეუძლია ჩხუბში ჩაებას მასზე გაცილებით ძლიერი მონაცემების მქონე ადამიანთან ან ცხოველთან. არის კარგი კომპანიონი.
 
დანიშნულება
დალმატინი გამოიყენება სანადიროდ, არის კარგი დამცველი. ყეფს იშვიათად, მაგრამ ყოველთვის აფრთხილებს პატრონს თუკი რაიმე საფრთხესგრძნობს.