« უამრავი ბაქტერიის გადამტანი ბუზები »

ავტორი: admin

თარიღი: 2017-12-02 13:30:18

ამერიკელმა ენტომოლოგებმა დაადგინეს, რომ ოთახისა და ხორცის ბუზები გაცილებით მეტი დაავადების გადამტანი მწერები არიან, ვიდრე აქამდე იყო ცნობილი, იუწყება BBC.

მათ 600-მდე სხვადასხვა ბაქტერიული დაავადების გადატანა შეუძლიათ, რაც დასტურდება დნმ-ის ანალიზის საფუძველზე. ამ ბაქტერიებიდან ბევრს ადამიანში პნევმონიის, ნაწლავური ინფექციების გამოწვევა, სისხლის მოწამვლაც კი შეუძლიათ.

სპეციალისტების ცნობით, ბაქტერიები ძირითადად მწერების ფრთებსა და ფეხებზე ბუდობენ - ფაქტიურად, ბუზის მიერ გადადგმული ყოველი ნაბიჯი მოცემულ ტერიტორიაზე ბაქტერიების დატოვებას ნიშნავს.

ექსპერიმენტის მიხედვით დადგინდა, რომ ოთახის ბუზს ბაქტერიის 351 სახეობის გადატანა შეუძლია, ხოლო ე.წ. ხორცის ბუზს 316 სხვადასხვა ბაქტერიის.