EVPATORI Web Resources


გამოკითხვა

მოგწონთ ნოველები - ჩვენი საქმე

დიახ
არა
კარგად იკითხება
ვერ გავიგე
ამორალურია


დარეგისტრირებული მომხმარებლები

Kaiadamiani

Vanga

ადვოკატიი

ადვოკატი

GURAM123




« სახელის ნუმეროლოგიური კოდი »

კატეგორია: საინტერესო ამბები

ავტორი: Nisa

თარიღი: 2017-12-16 15:25:23

სახელის ნუმეროლოგიური კოდი

Spiritual-Meaning-Of-Numbers

კონკრეტული დაბადების თარიღისა, ადამიანის ბედის ფორმირებაში მისი სახელი/გვარი და ამ მეთოდით მიღებული ნუმეროლოგიური ვიბრაციაც თამაშობს დიდ როლს. სახელისა და გვარის მიხედვით ორნიშნა კოდის გამოთვლა საკმაოდ მარტივი საქმეა. საჭიროა ანბანური რიგის მიხედვით გადათვალოთ თქვენი სახელისა და გვარის შემადგენელი ასოები. ასე მაგალითად სახელი ნინო – "ნ" მეცამეტე ასოა, "ი" მეცხრე და ა.შ. 
 
1+3 +9+1+3+1+4= 22 
 
cxrili
 
გაითვალისწინეთ, შეკრებილი რიცხვების საბოლოო ჯამი აუცილებლად ერთნიშნა უნდა იყოს. ამიტომ ამ შემთხვევაში 2+2 = 4 მივიღეთ ციფრი 4. შესაბამისად, მას ვინც ამ სახელს ატარებს (ოღონდ, არამხოლოდ პასპორტის მონაცემებით, არამედ რეალურადაც ასე უნდა მიმართავდნენ ადამიანს), მისი სახელის ციფრი გახლავთ 4. იგივე მეთოდით უკვე გვარის ნუმეროლოგიური ვიბრაციაც გამოითვალება. შედეგები კი ქვემოთ მოცემულ დახასიათებაში წაიკითხეთ. 
 
ციფრი 1 – ეს "ლიდერების" პროგრამაა. ამიტომ ერთიანის მფლობელი, თუ იგი მისი სახელის ვიბრაციას ემთხვევა, ყოველთვის ცდილობს იყოს გამორჩეული სხვებისგან. მას უყვარს საკუთარ თავზე პასუხისმგებლობის აღება და პირველი ნაბიჯების გადადგმა ნებისმიერ საქმეში. თუ ეს რიცხვი თქვენს გვარს შეესაბამება ე.ი. მებრძოლისა და მაქსიმალისტის ხასიათი გაგაჩნით. გიყვართ ყველაფრის საკუთარი ხელით კეთება და არასოდეს კარგავთ ოპტიმიზმს, ნებისმიერ კრიტიკულ სიტუაციაშიც კი.
ადამიანს, რომლის სახელის ციფრი არის 1, ახასიათებს თავგადასავლების ჟინი. „ერთიანები“ სულით მეამბოხენი არიან. მათი სიჯიუტე ყოველგვარ საზღვრებს სცდება, მაგრამ ხშირად ზუსტად სიჯიუტე ეხმარება მათ თავიანთი გრანდიოზული იდეების განხორციელებაში. კარგი ლიდერები და ხელმძღვანელები სწორედ ერთიანები არიან. 
 
 
ციფრი 2 – ორიანის ენერგეტიკა თავის თავში შემგროვებლის, მატერიალური რესურსის მომმარაგებლის და კარგი შემსრულებლის ფუნქციას ითვალისწინებს. ამიტომ ორიანები, როგორც წესი, კარგად გამოიმუშავებენ ფინანსურად. თუ ეს ციფრი თქვენი სახელის შესაბამისია, იგი მოგცემთ უნარს წარმატებული იყოთ ნებისმიერი ფინანსური ოპერაციის დაგეგმვისას. თუ მას თქვენი გვარი შეესაბამება, ეს იმას ნიშნავს, რომ ყოველთვის მოახერხებთ კარგი სპონსორების მოძიებას. 
„ორიანების“ ხედვა და ადამიანებთან დამოკიდებულება შესაშურია!
ისინი კარგი მსმენელები და დამრიგებლები არიან. მათ ყოველთვის შეუძლიათ გაუგონ და მიიღონ სხვა ადამიანი. დიპლომატია და ტაქტი ხშირად ადგებათ ცხოვრებაში, ამიტომაც ისინი საუკეთესო მეგობრები და კოლეგები არიან.
 
ციფრი 3 – კომუნიკაციის ციფრია. ამიტომ ამ ციფრის ვიბრაციით შესანიშნავი სარეკლამო მენეჯერები, პიარის სპეციალისტები, მასწავლებლები და ჟურნალისტები იბადებიან. სამიანის ენერგეტიკა დაგეხმარებათ იმაში, რომ წარმატებით აწარმოოთ ნებისმიერი სახის მოლაპარაკება. თუ ეს ციფრი თქვენი გვარის ვიბრაციას ემთხვევა, ეს იმას ნიშნავს რომ შეძლებთ კარგი სამწერლო კარიერა გაიკეთოთ ან სამეცნიერო-კვლევით სფეროებში დაკავდეთ. 
„სამიანების“ ცხოვრების მთავარი მიზანია დაინახონ და სხვას დაანახონ თუ რამდენად ლამაზია ეს ცხოვრება. მათთვის სიხარული თავდადება სხვაზე ზრუნვას მოაქვს. ისინი სულით ხელოვანები არიან და სამყაროსაც როგორც დიდ ნახატს ისე უყურებენ და ცდილობენ მასზე, რაც შეიძლება ლამაზი სურათები დახატონ. თქვენთვის მეგობრობა პირველ ადგილზე დგას, ის ჰაერივით გჭირდებათ. ჰობად გაქვთ ადამიანების დახმარება. თქვენი ტემპერამენტი და ეშხი გარშემომყოფებთ მაგნიტივით იზიდავს. საკუთარ პოზიციას ბოლომდე იცავთ და ცდილობთ ის გაამართლოთ.
 
ციფრი 4 – პატრიოტების, ოჯახური სიმყუდროვის მოყვარული ხალხის ციფრია. ოთხიანი განასახიერებს წინაპრებს, ფესვებს, ტრადიციებს. იგი "კრავს" ადამიანთა კონკრეტულ ჯგუფს ანუ ოჯახს. თუ ამ ციფრის ვიბრაცია თქვენი გვარის ციფრს ემთხვევა, ნიშნავს იმას, რომ თქვენთვის ყველაზე დიდი დასაყრდენი ოჯახია და ზოგადად პროფესიული კუთხითაც ცდილობთ "ოჯახურ" ატმოსფეროში იმუშაოთ. 
„ოთხიანები“ არიან კომუნიკაბელურები, ჰყავთ უამრავი მეგობარი, მაგრამ, როგორც წესი, ეს მეგობრობა დიდხანს არ გრძელდება, იმიტომ, რომ ბოლომდე გახსნა უჭირთ. პრობლემას ყოველთვის ობიექტურად და ჯანსაღად უყურებენ. მხოლოდ იმ საქმეს ასრულებენ, რასაც მათთვის სიხარული მოაქვს. მათი განათლება ყველაფერს მოიცავს, მაგრამ ღრმად ცოტა რამ იციან.
 
ციფრი 5 – გენიოსებისა და განსაკუთრებული გონებრივი შესაძლებლობებით დაჯილდოებული ადამიანების ციფრია. მასში გაერთიანებულია ხუთი უმთავრესი უნარი: სმენა, მხედველობა, გემოვნება, გამოხატვისა და აღქმის ნიჭი. თუკი ეს ციფრი თქვენი გვარის შესაბამისობას ემთხვევა, ეს იმას ნიშნავს, რომ თქვენთვის დამახასიათებელია კარგი თანამოაზრეების პოვნა და მათი მეშვეობით წარმატების მიღწევა. 
„ხუთიანების“ ცხოვრების მთავარი მიზანია გახდნენ მდიდრები, ცნობილები და პატივსაცემნი. მიზანდასახულობის წყალობით დიდ შედეგებს აღწევენ. ისინი პატივს სცემენ კანონს, მათთვის მიუღებელია მისი დარღვევა. თავის ავტორიტეტზე ყოველდღიურად ზრუნავენ. მათთვის სოციალური სტატუსი ბევრს ნიშნავს, ამიტომაც მეგობრები მხოლოდ თავისი წრიდან ჰყავთ. თავისი „წესიერების“ გამო ყველასთან კარგ ურთიერთობას ამყარებენ. ტრადიციების დაცვა მათთვის პირველ ადგილზე დგას.
 
ციფრი 6 – მკურნალების, განმანათლებლებისა და მოაზროვნეების ციფრია. მასში გაერთიანებულია ხუთიანისა და ერთიანის ენერგეტიკა, ამიტომ იგი ხშირად ასახავს ცნობიერების ახალ ეტაპზე გადასვლას. ამ ციფრის გავლენით შესანიშნავი ექიმები, ფსიქოლოგები და სოციოლოგები ევლინებიან ქვეყანას. თუ მისი ვიბრაცია თქვენს გვარს ემთხვევა, ეს იმის მიმანიშნებელია, რომ თქვენ გაქვთ უნარი თავად უმკურნალოთ საკუთარ თავს, როგორც ფიზიკურად ისე ფსიქოლოგიურად. 
„ექვსიანები“ ტემპერამენტიანი და მიმზიდველები არიან. მათ შეუძლიათ კარგად გაუგონ ადამიანს და მის მდგომარეობაში შევიდნენ. ჰყავთ ბევრი ერთგული მეგობარი. ისინი ეპატაჟურები და სპონტანურები არიან. მათგან ყველაფერს უნდა ელოდოთ, ყველაფერს! ცხოვრებას ინტუიციით მიჰყვებიან, სწორედ ეს ეხმარება მათ სწორი ნაბიჯების გადადგმაში.
ისინი ძალზედ ერთგულები არიან, ღალატი მათთვის უცხოა.
 
ციფრი 7 – ოკულტური შესაძლებლობებით დაჯილდოებული, განსაკუთრებული სულიერებით გამორჩეული ადამიანების ციფრია. ასეთი ხალხი ადვილად ადაპტირებს ნებისმიერი სახის სამეცნიერო სფეროში. თუ შვიდიანი თქვენი გვარის ვიბრაციას ემთხვევა, ეს იმას ნიშნავს, რომ თქვენს ცხოვრებაში ხშირად ხდება ფატალური და უცნაური შემთხვევები. სირთულეების დაძლევაში კი ფსიქოლოგიური კონცენტრაციის უნარი გეხმარებათ. 
„შვიდიანები“ ურთიერთობაში დისტანციას იჭერენ, მაგრამ ამავდროულად თავაზიანები არიან. სამსახური მათთვის ძალიან მნიშვნელოვანია, ისინი პატიოსნად და ყურადღებით ეკიდებიან მას. ამის გამო, ისინი მუდამ აღწევენ კარგ სოციალურ სტატუსს და სამსახურს.
 
ციფრი 8 – მუდმივი ტრანსფორმაციის, დაცემისა და აღზევების ციფრია. რვიანების ცხოვრება, როგორც წესი, მუდმივი ცვლილებებითა და სირთულეებით არის სავსე, თუმცა ყველაფერი ამის ხარჯზე ისინი იზრდიებიან პიროვნულად და იძენენ სიბრძნეს. თუ ეს ციფრი თქვენი გვარის ვიბრაციას შეესაბამება, ეს მიანიშნებს იმას, რომ კარგად გეხერხებათ ფინანსური სახსრების აკუმულირება და ადვილად ახერხებთ მსხვილბიუჯეტიანი პროექტების მართვას.
„რვიანებს“ ახასიათებთ გაორება, მათში „ინ“-ისა და „იან“-ის პრინციპი დევს. ისინი არიან ან კარგები ან ცუდები, ძალზედ უჭირთ ოქროს შუალედის პოვნა. მათი ცხოვრება არასდროს არ არის მშვიდი და არც ილტვიან ამისკენ. ისინი მაქსიმალისტები არიან, ან ყველაფერი ან არაფერი! სიყვარულიც უცნაური იციან - ერთს ამოიჩემებენ და მორჩა! მათი სტიქიაა ფინანსები, უყვართ ფული, ფულით საზღვრავენ და ფულის კეთებაც იციან.
 
ციფრი 9 – ხელოვანი ადამიანების ციფრია. მასში გაერთიანებულია ძლიერი ინტუიცია, ფანტაზიის უნარი და ფაქიზი აღქმის ნიჭი. ცხრიანები ნიჭიერები და არტისტულები არიან. მათ კარგად ეხერხებათ სხვებზე ზემოქმედება საკუთარი შესაძლებლობების დემონსტრირებით, ამიტომ მათში ბევრ მსახიობს ან შოუ-ბიზნესის წარმომადგენელს ვხვდებით. თუ ეს ციფრი თქვენი გვარის ვიბრაციას ემთხვევა, ეს იმას ნიშნავს, რომ ხელოვნება თქვენი ჰობია და შეგიძლიათ შესანიშნავი შემფასებელი იყოთ ამ კუთხით.
„ცხრიანები“ ცდილობენ სიკეთე მოუტანონ გარშემომყოფებს, გაზარდონ ისინი, როგორც სულიერად ისე ინტელექტუალურად. ისინი ყველას უგებენ და ხვდებიან კიდევაც, თუ ვინ როგორი ადამიანია, რა ამოძრავებს. მიუხედავად მათი ალტრუიზმისა, ისინი თავზე არავის დაისვამენ. ადამიანში სულიერ სილამაზეს აქცევენ ყურადღებას და არა ვიზუალს, პარტნიორსაც ამ კრიტერიუმით არჩევენ. უყვართ ყველაფერში ჩაღრმავება და მისი ფილოსოფიურად გაშიფვრა.