EVPATORI Web Resources
გამოკითხვა
მოგწონთ ნოველები - ჩვენი საქმე
დარეგისტრირებული მომხმარებლები
maizer
დიმიტტი
Kaiadamiani
Vanga
ადვოკატიი
« თბილისის, მცხეთისა და რუსთავის მოსახლეობისთვის წყლის ტარიფი გაძვირდა »
კატეგორია: ბიზნეს ჟურნალიავტორი: lolipop
თარიღი: 2018-02-16 00:34:54
მოქალაქეებმა უკვე მიიღეს წყლის საგრძნობლად გაზრდილი ტარიფი.
შეგახსენებთ, რომ თბილისის, მცხეთისა და რუსთავის მოსახლეობისთვის წყლის ტარიფის გაძვირების გადაწყვეტილება ენერგეტიკისა და წყალმომარაგების მარეგულირებელმა ეროვნულმა კომისიამ (სემეკ) 2017 წლის დეკემბრის ბოლოს, წინასაახალწლო პერიოდში მიიღო.
სემეკ-ის გადაწყვეტილებით, წყლის ტარიფი თბილისის გამრიცხველიანებული აბონტებისთვის 1 მ3-ზე დაახლოებით, 6 თეთრით, გაუმრიცხველიანებლისთვის კი 1 სულზე დაახლოებით, 75 თეთრით გაიზარდა. რაც შეეხება არასაყოფაცხოვრებო სექტორს, ამ შემთხვევაში წყლის ტარიფი მცირედით დაახლოებით, 2 თეთრით შემცირდა.
კერძოდ, შპს „ჯორჯიან უოთერ ენდ ფაუერის“ გამრიცხველიანებულ აბონენტებს თებერვალში – 0.329 თეთრის/მ3, გაუმრიცხველიანებელ აბონენტებს (სულადობრივი) – 3.892 ლარის/სულზე/თვეში გადახდამოუწევთ. არასაყოფაცხოვრებო ტარიფი კი – 4.400 ლარი/მ3-ი იქნება.
ამასთან, სემეკ-ის გადაწყვეტილებით, მცხეთაში გამრიცხველიანებულ აბონენტებს წყლის ტარიფი დაახლოებით, 12 თეთრით, გაუმრიცხველიანებელ აბონენტებს 1 ლარით და 48 თეთრით, არასაყოფაცხოვრებო სექტორს კი დაახლოებით, 35 თეთრით გაუძვირდა.
კერძოდ, შპს „მცხეთის წყალის“ წყალმომარაგების საყოფაცხოვრებო ტარიფებია: გამრიცხველიანებული აბონენტებისათვის – 0.329 თეთრი/მ3, გაუმრიცხველიანებელი აბონენტებისათვის (სულადობრივი) – 3.888 ლარი/სულზე/თვეში; არასაყოფაცხოვრებო ტარიფები – 3.548 ლარი/მ3.
რაც შეეხება შპს „რუსთავის წყალს“, მისი წყალმომარაგების საყოფაცხოვრებო ტარიფებია: გამრიცხველიანებული აბონენტებისათვის – 0.405 თეთრი/მ3, გაუმრიცხველიანებელი აბონენტებისათვის (სულადობრივი) – 2.281 ლარი/სულზე/თვეში; არასაყოფაცხოვრებო ტარიფები – 3.644 ლარი/მ3.
შეგახსენებთ, რომ სემეკ-ის მიერ დადგენილი აღნიშნული ტარიფები ძალაში 2020 წლის ბოლომდე იქნება.
COPYRIGHT © EVPATORI.GE / საავტორო უფლებები დაცულია
