EVPATORI Web Resources


გამოკითხვა

მოგწონთ ნოველები - ჩვენი საქმე

დიახ
არა
კარგად იკითხება
ვერ გავიგე
ამორალურია


დარეგისტრირებული მომხმარებლები

Kaiadamiani

Vanga

ადვოკატიი

ადვოკატი

GURAM123




« ბრიუგე მაგიური და საინტერესო ქალაქი »

კატეგორია: სხვა

ავტორი: admin

თარიღი: 2019-06-01 20:28:23

ბრიუგე მაგიური და საინტერესო ქალაქი

Belgium-Brugge

დასავლეთ ფლანდრიის პროვინციის დედაქალაქი ყველაზე პოპულარული ადგილია ტურისტებისთვის ბელგიაში და ეს საერთოდაც არ არის გასაკვირი. როგორც ტურისტს, შეიძლება გეგონოთ, რომ ერთი ან ორი დღე საკმარისია ამ მაგიური ქალაქის დასათვალიერებლად, მაგრამ აქ რამდენიმე დღის გატარების შემდეგ ხვდებით, რომ ქალაქში უამრავი ისტორიული ადგილია.
 
ქალაქის ისტორიული ცენტრი იუნესკოს მსოფლიო მემკვიდრეობის სიაში შედის. აქ მთავარია ბევრი იაროთ ფეხით, რადგან თითოეული კუთხე, ყველა პატარა ქუჩა სავსეა არაჩვეულებრივი სიურპრიზებით, ყველა სახლი მდიდარია დეტალებით, თქვენ უბრალოდ გევალებათ, რომ დააკვირდეთ გარშემო არსებულ საოცარ არქიტექტურას.
 
ბრიუგეს ასევე აქვს გამორჩეული კულინარიული კულტურა, ეს ერთ-ერთი ქალაქია, სადაც ყველაზე მეტი მიშელინის ვარსკვლავით დაჯილდოებული რესტორანია. აქ ასევე შეხვდებით საუკეთესო არტისანული შოკოლადის მაღაზიებს, რომლის ისტორიაც კაკაოს მარცვლების ევროპაში პირველი გამოჩენიდან იწყება. შოკოლადის მაღაზიები ოჯახურ ბიზნესად რჩება და შესაბამისად არ კარგავს სიმყუდროვეს და სითბოს. ბრიუგეს სასიამოვნო ბარების კულტურაც აქვს, საკმარისია საღამოს სასტუმრო დატოვოთ, ცენტრალურ ქუჩას გასცდეთ და შეგხვდებათ ბევრი პატარა ბარი, სადაც გემრიელი სასმელის გარდა, გაიცნობთ კეთილგანწყობილ ადგილობრივებს, შემდეგ გვიანობამდე შეგიძლიათ ბარების მოვლა და ქალაქში სეირნობა. შუაღამის ბრიუგე, ტურისტებისგან დაცლილი, საერთოდ სხვა გამოცდილებაა, ეს ის დროა, როდესაც მართლა გრძნობთ, როგორ ტრანსფორმირდებით დროში.
 
SINT-JANSHOSPITAAL
 
Mariastraat 38
 
SINT-JANSHOSPITAAL 1150 წელს დაარსდა და მსოფლიოში ერთ-ერთი ყველაზე ძველი საავადმყოფოა. საავადმყოფო 1860-იან წლებამდე ფუნქციონირებდა, ახლა აქ მუზეუმია.
 
SINT-JANSHOSPITAAL
 
Heilig-Bloedbasiliek
 
Burg 13
 
მთავარ მოედანზე მდებარე ეკლესიაში, Heilig-Bloedbasiliek-ში ინახება ფლაკონი, რომელშიც გადმოცემის მიხედვით ქრისტეს სისხლია. როგორც ლეგენდა მოგვითხრობს, ფლაკონში სისხლი მაშინ გაჩნდა, როდესაც ის კონსტანტინოპოლიდან ჯვაროსნებმა ჩამოიტანეს. საუკუნეების განმავლობაში ჭურჭელი ყოველ პარასკევს გამოაქვთ, რომლის სანახავადაც ბევრი მორწმუნე და ტურისტი იკრიბება.
 
Heilig-Bloedbasiliek
 
THE BEGIJNHOF
 
The Begijnhof, Wijngaardstraat
 
The Begijnhof, or Beguinage ძალიან საინტერესო ადგილია. მე-13 საუკუნეში დაარსებული სივრცე თავდაპირველად მარტოხელა ქალების საცხოვრებელი იყო, რომელმაც არსებობა მე-20 საუკუნეში შეწყვიტა. ამჯერად აქ მონაზვნებთან ერთად რამდენიმე ბრიუგელი ქალბატონიც ცხოვრობს, რომლებმაც მარტოობა ამჯობინეს. თეთრი სახლებით გარშემორტყმული შიდა ეზო საინტერესო აურით გამოირჩევა.
 
THE BEGIJNHOF
THE BEGIJNHOF
 
LE PAIN DE SEBASTIEN
 
Smedenstraat 31
 
გემრიელი ბრანჩისთვის ეწვიეთ Sebastien Cailliau-ს LE PAIN DE SEBASTIEN. სებასტიანმა პურის ცხობის ხელოვნება საფრანგეთში ისწავლა, შემდეგ კი ეს კაფე და საცხობი ბრიუგეში დააარსა.
 
LE PAIN DE SEBASTIEN
 
Onze-Lieve-Vrouwekerk
 
Mariastraat
 
ეკლესიის აშენება 1220 წელს დაიწყო და მის დამთავრებას 200 წელი დასჭირდა. აქ ყოველთვის დიდი რიგია, ეს იმიტომ, რომ ტაძარში ინახება მიქელანჯელოს სკულპტურა – Madonna and Child, რომელიც მიქელანჯელოს ერთადერთი ნამუშევარია, რომელიც იტალიის საზღვრებს მის სიცოცხლეშივე გასცდა.
 
Onze-Lieve-Vrouwekerk
 
GROENINGEMUSEUM
 
Dijver 12
 
GROENINGEMUSEUM-ს მე-15 და მე-16 საუკუნის ფერწერის ერთ-ერთი საუკეთესო კოლექცია აქვს ევროპაში. კოლექციის ნაწილია ანს მემლინგის, იან ვან ეიკის და ჰიერონიმუს ბოსხის ნამუშევრები.
 
GROENINGEMUSEUM
 
ქარის წისქვილები
25 წისქვილიდან მხოლოდ 4 შემორჩა და მათგან 2 ღიაა საზოგადოებისთვის. წისქვილებს შეგიძლიათ ახლომდებარე პაბიდანაც დააკვირდეთ, სადაც გემრიელი ბელგიური ლუდის მირთმევასაც შეძლებთ.
 
ქარის წისქვილები
 
BONIFACIUS
 
Groeninge 4 
 
სასტუმრო ბრიუგეზე გადაღებულ ყველაზე ცნობილ ფილმში, In Bruges-ში კარგადაა ასახული. BONIFACIUS მე-16 საუკუნის ორ timber-and-stone carriage houses-ს აერთიანებს. გამოირჩევა არაჩვეულებრივი მდებარეობით და პირდაპირ უყურებს Church of Our Lady-ს, ასევე ახლოსაა ყველა მუზეუმთან. ინტერიერის ინსპირაცია ფლამანდრიელი პრიმიტივისტი მხატვრებიდან მოდის. ერთ-ერთი საუკეთესო დეტალი ინტერიერში კიბეა, რომელიც სახურავის ტერასაზე ადის და საიდანაც საოცარი ხედი იშლება.
 
BONIFACIUS
 
DE HALVE MAAN BREWERY
 
De Halve Maan, Walplein 26
 
ბელგიური ლუდისთვის ეწვიეთ DE HALVE MAAN BREWERY-ს, რომელიც ერთ-ერთია რამდენიმე ლუდსახარშიდან, რომელიც ცენტრალურ ბრიუგეში შემორჩა. ადგილი ჯერ კიდევ იმ ოჯახს ეკუთვნის, რომელმაც ის თავიდან დააარსა. აქ ასევე შემოგთავაზებენ ლუდსახარშის ტურს, სადაც შეძლებთ ნახოთ 3-კილომეტრიანი მილი, საიდანაც აქ დამზადებული ლუდი ჩამოსასხმელ ქარხანაში იგზავნება.
 
DE HALVE MAAN BREWERY