სიახლის დამატება

EVPATORI Web Resources


გამოკითხვა

მოგწონთ ნოველები - ჩვენი საქმე

დიახ
არა
კარგად იკითხება
ვერ გავიგე
ამორალურია


დარეგისტრირებული მომხმარებლები

maizer

დიმიტტი

Kaiadamiani

Vanga

ადვოკატიი




« როგორ მოვიშოროთ ზედმეტი თმა სხეულიდან სამუდამოდ (ხალხური მეთოდები) »

კატეგორია: იყავით ჯანმრთელი

ავტორი: admin

თარიღი: 2013-02-08 13:53:23

თუ სხეულზე გაქვთ არასასურველი თმა და გსურთ მისი მოშორება, შეგიძლიათ მიმართოთ თანამედროვე საშუალებებს, როგორიცაა: დეპილაციის კრემები, ფოტოეპილაცია, თმის ლაზერით მოშორება და სხვა. მაგრამ ჩამოთვლილი მეთოდების უმრავლესობა ითხოვს დიდ ფინანსურ დანახარჯებს, პროცედურათა რამდენჯერმე გამეორებას და მაინც არ იძლევა თმის სამუდამოდ მოშორების გარანტიას, ამიტომ გთავაზობთ რამდენიმე ხალხურ მეთოდს, რომლებიც შეიძლება გამოგადგეთ ამ პრობლემის მოსაგვარებლად.

 

ფიჭვის კაკალი
 აიღეთ ფიჭვის კაკლის გარსი, ცოტახნით მოადუღეთ ცხელ წყალში და დატოვეთ ნახევარი საათის განმავლობაში. მიღებული ნაზავი წაისვით არასასურველი თმის ზრდის ადგილზე, შემდეგ კი ჩამოიბანეთ დიდი რაოდენობით თბილი წყლით. მოცემული პროცედურა გაიმეორეთ რამდენჯერმე და ცოტა ხანში თქვენ შეამჩნევთ არასასურველი თმის საგრძნობლად კლებას. რამდენიმე კვირის შემდეგ ნახავთ, რომ თმები სრულად გაქრება. მოცემული მეთოდი გამოირჩევა სიმარტივით, გავრცელებითა და უსაფრთხოებით. ფიჭვის კაკლის მაგივრად ასევე შეიძლება ჩვეულებრივი (ბერძნული) კაკლის გამოყენება.
 
ჭინჭრის თესლი
 შეაგროვეთ დაახლოებით 400 გრამი თესლი, მოხარშეთ რამე ჭურჭელში და დაუმატეთ 100 მლ მზესუმზირის ზეთი. მიღებული ნაზავი დატოვეთ ბნელ ადგილას 2 თვის განმავლობაში. 2 თვიანი პერიოდის დასრულების შემდეგ მიღებული სითხე ფრთხილად წაისვით პრობლემურ ადგილებზე. თუ მოცემულ მეთოდს გამოიყენებთ რეგულარულად, მაშინ ზედმეტი თმები 1 თვის შემდეგ სამუდამოდ გაგიქრებათ.
 
მწვანე ყურძენი
 გამოწურეთ ყურძნისგან წვენი და წაისვით კანზე. ეს მეთოდი საკმაოდ მარტივია, შეესაბამება კანის ყველა ტიპს, მაგრამ გააჩნია არც თუ ისე მაღალი ეფექტურობა. მისი გამოყენება შეიძლება ფსორიაზით დაავადებულ ადგილებზეც.
 
ცხენის წაბლი
 გაავსეთ ცხენის წაბლის ნაყოფით 1 ჭიქა, მოაცალეთ გარსი, დაუმატეთ 600 მლ ადუღებული წყალი და დადგით ცეცხლზე, თან მოურიეთ. იმის შემდეგ, რაც წყალი აორთქლდება, მიღებული მასა გააციეთ და წაისვით სხეულის იმ ნაწილზე, რომელსაც ესაჭიროება ეპილაცია.
 
აბუსალათინის ზეთი
 აიღეთ 5 გრამი აბუსალათინის ზეთი, დაახლოებით 5 გრამი ნიშადურის სპირტი, 2 გრამი იოდი და 30 გრამი სპირტი. საგულდაგულოდ აურიეთ ერთმანეთში და შემდეგ ფრთხილად წაისვით კანზე. მოცემული საშუალება საკმაოდ ეფექტურია, მაგრამ მხოლოდ იმ შემთხვევაში, თუ გამოიყენებთ მას დღეში 2ჯერ.
 
საჭირო მასალები/ხელსაწყოები:
 
1 
ფიჭვის ან ბერძნული კაკალი 
2 
ჭინჭრის თესლი 400 გრამი 
მზესუმზირის ზეთი 100 მლ 
3 
მწვანე ყურძენი 
4 
ცხენის წაბლი 
5 
აბუსალათინის ზეთი 5 გრამი 
ნიშადურის სპირტი 5 გრამი 
იოდი 2 გრამი 
სპირტი 30 გრამი