EVPATORI Web Resources


გამოკითხვა

მისაღებია თუ არა თქვენთვის საპენსიო რეფორმა?

დიახ
არა


დარეგისტრირებული მომხმარებლები

pepe

John

ნიკოლოზი

Levani

ლელა




« ჩინელმა მეცნიერებმა დაადგინეს, რამდენ ხანს ცოცხლობს კორონავირუსი დახურულ სივრცეში და რა მანძილზეა გადამდები »

კატეგორია: დღის ამბები

ავტორი: admin

თარიღი: 2020-03-12 17:49:05

ჩინელმა მეცნიერებმა დაადგინეს, რამდენ ხანს ცოცხლობს კორონავირუსი დახურულ სივრცეში და რა მანძილზეა გადამდები

coronavirus

კორონავირუსი დახურულ კონდიცირებად სივრცეში სულ მცირე 30 წუთი ძლებს და 4.5 მეტრამდე მანძილზე შეუძლია გადაადგილება. აღნიშნულს ცხადყოფს ჩინელი ეპიდემიოლოგების მიერ ჩატარებული კვლევა.
 
ჩინელმა მეცნიერებმა კორონავირუსის გავრცელების კონკრეტული შემთხვევა გააანალიზეს, რომელიც ჩინეთში სამგზავრო ავტობუსში დაფიქსირდა. ავტობუსში კორონავირუსით ინფიცირებული პირი იმყოფებოდა, რომელსაც პირბადე არ ეკეთა. შედეგად შვიდი ადამიანი დააინფიცირა, მათ შორის წყვილი, რომელიც მისგან 4.5 მეტრის მოშორებით იჯდა. გარდა ამისა, ვირუსი გადაედო ავტობუსის შემდეგი რეისის მგზავრს, რომელიც ავტობუსში პირველი რეისის მგზავრების ჩამოსვლიდან 30 წუთში ავიდა.
 
ჩინელმა მეცნიერებმა ასევე დაადგინეს, რომ კორონავირუსს შეუძლია რამდენიმე დღე გაძლოს ზედაპირზე, რომელზეც ხველის ან დაცემინების შედეგად წვეთები მოხვდა. ამავდროულად, დრო, რომლის განმავლობაშიც ინფექცია არსებობას განაგრძობს ზედაპირზე, დამოკიდებულია ტემპერატურაზე და მასალის სახეობაზე. მაგალითად, 37 გრადუსის პირობებში ვირუსი შეიძლება აქტიური იყოს ორიდან სამ დღემდე პერიოდის განმავლობაში შუშაზე, ქსოვილზე, ლითონზე, პლასტმასზე ან ქაღალდზე.
 
30 იანვარს ჯანდაცვის მსოფლიო ორგანიზაციამ კორონავირუსი გლობალურ საფრთხედ გამოაცხადა. ჩინეთში პნევმონიის აფეთქება 2019 წლის დეკემბერში დაიწყო. ის გამოწვეულია კორონავირუსის აქამდე უცნობი შტამით.
 
21 იანვარს ჩინეთმა დაადასტურა, რომ კორონავირუსი გადამდებია. მომხდარის გამო ქვეყნის ორ ქალაქში კარანტინი გამოცხადდა.
 
 
imedinews