« ლომი »

კატეგორია: ჰოროსკოპი

ავტორი: admin

თარიღი: 2013-05-22 12:55:34

ლომი → ლომი – საერთო დახასიათება (24.07-22.08)

 

23 ივლისი – 22 აგვისტო

ზოდიაქოს 2 ნიშანი

ცეცხლის 2 ნიშანი

მმართველი პლანეტა: მზე

ბედნიერი რიცხვი 1 და 11

ასტროლოგიური სიმბოლო: ლომი.

ასტროლოგიური ფერები: ალისფერი, მოყვითალო, ყავისფერი, მეწამული და შავი.

ასტროლოგიური თვლები: ალმასი, ლალი, ტოპაზი.

ლომი მართავს ჰოროსკოპის მეხუთე სახლს.

 

 

როდესაც ზეციური მეუფენი შეიკრიბნენ, რათა ზოდიაქოს 12 ნიშნისთვის თავიანთი ძღვენი ეწყალობებინათ, ლომის ნიშანთან მისვლის დროს, ეტყობა, საუკეთესო გუნებაზე გახლდნენ, ისე უხვად არის ეს ნიშანი მათგან დაჯილდოებული. მმართველი პლანეტად მზის მეტი რომ აღარაფერი გაემეტებინათ ლომისთვის, ესეც საკმარისი იქნებოდა მადლობის სათქმელად, მაგრამ ღმერთები მეტისმეტად მოწყალენი იყვნენ იმ დღეს; მათ აქციეს ლომი მუდმივ ნიშნად, მიანიჭეს მას სტაბილურობა და ამით გამოხატეს თავიანთი სურვილი, წარმატებისა და ძალაუფლების გზაზე დახმარებოდნენ ლომებს.

შემდეგ ღმერთებმა გადაწყვიტეს, რომ ლომი ცეცხლის ნიშანი იქნება, ამით მისცეს მას ენერგიულობა, სითბო, გულითადობა. და ბოლოს, ღმერთები შეთანხმდნენ, რომ მართავს ჰოროსკოპის მე–5 სახლს, რომელიც სიყვარულსა და თეატრს განაგებს. მაგრამ ერთი ღმერთი უკმაყოფილო იყო სხვების. მიაჩნდა, რომ ისინი ლომს აფუჭებენ – ეგებ აგვისტოს ხვატმა გააღიზიანოს გიგი! მან დაწყევლა ლომი; ისეთი ნაკლი დააკვება, რომელიც სხვა ღმერთბის მიერ მიძვნილი უპირატესობების გამოყენებაში უშლის ხელს. ეს ნაკლია – უკიდურესი პატივმოყვარეობა და სიამაყე. იმავე ღმერთმა იმასაც მიაღწია, რომ ლომის ნიშნის მუდმივობა სიჯიუტეს მიახლოვებოდა. ამ ამბის მორალი ასეთია: ლომი თავისი მაღალი ღირსებებიდან იმ შემთხვევაში ნახავს სარგებელს, თუ თავის პატივმოყვარეობას მოთოკავს და თავმდაბლობასა და მორჩილებას გამოიჩენს, ეს კი ყელაზე ძნელი გამოცდაა ლომისთვის.

მაგრამ ლომს გონებაც კარგად აქვს განვითარებული, რომ თავის თავთან ბრძოლაში გაიმარჯვოს. ის ინტელექტითა და მაგნეტიზმით არის დაჯილდოებული, რაც მისკენ იზიდავს ხალხს. მაგრამ ლომი არ აუნდა შეეცადოს ყველაზე იბატონოს. მაღალგანვითარებული გონებისა და მოხდენილი მანერების გამო ლომს ხშირად მეფურ ნიშანსაც ეძახიან. მისი ასტროლოგიური სიმბოლო – ლომი – ჯუნგლების მეფედ ითვლება, მაგრამ ყველა ხელისუფალთა მსგავსად, ლომმაც მოკრძალებით უნდა ატაროს გვირგვინი. უნდა ახსოვდეს თავისი მთავარი ცოდვა – პატივმოყვარეობა. მზე, ლომის მმართველი პლანეტა, პატივმოყვარეობითა და დიდი მისწრაფებებით აღავსებს მას, მაგრამ მხოლოდ სასიკეთო საქმეებში უნდა დახარჯოს თავისი ენერგია. ლომს უყვარს საზოგადოებაში გამორჩეული კაცის მეწამული მანტიის მოსხმა, წვეულებების გამართვა, ხალხის შექცევა, უხვი კერძებითა და მაგარი ღვინოებით გამასპინძლება. მაგრამ ლომს უნდა ახსოვდეს, რომ თეატრალური ასპექტების სიყვარულმა უბრალო პოზიორობამდე არ მიიყვანოს. იმ ფაქტსაც უნდა შეეგუოს, რომ მწვერვალის მისაღწევად დაბალი საფეხურებიდან უნდა დაიწყოს, თუნდაც შავ სამუშაოს ვერ იტანდეს და წვრილმანი საქმეები მისთვის შეუფერებლად მიაჩნდეს. ამ ნიშნის ადამინაები ბუნებით ბელადები და ხელმძღვანელები არიან. მართალც და ლომების უმეტესობა ზემდგომ, გაკონტროლებულ პოზიციებს ეტანება, მაგრამ მათ დემოკრატიული გზით უნდა გასწიონ კონტროლი, თორემ აუტანელ პატარა ნაპოლეონებად იქნევიან. დიახ, ბონაპარტე ლომის ნიშნით იყო დაბადებული. მუსოლინიც.

ლომის ნიშნის ქალები ძალიან იზიდავენ მამაკაცებს, მაგრამ მეტისმეტად არ უნდა გაიპრანჭონ, თორემ შესაძლოა სწორედ ის კაცი დაკარგონ, რომლის ხელში ჩაგდებაზეც ოცნებობენ.

მამაკაცი – ლომები თავიანთ სატრფოებს იმდენს ელაპარაკებიან თავიანთ თავზე, შესაძლებლობებზე, რომ შეიძლება ყბედად ჩათვალონ. მამაკაცი ლომები შეუპოვარნი არიან. ლომის ბოლომდე განუვითარებელი ტიპები გაცხარებისას ხშირად ფიზიკურ ძალას მიმართავენ, ვინც მათ ურყევ და უცვლელ აზრებს არ ეთანხმება, მათთან ჩხუბზე გადადიან.

განუვითარებელი ტიპის ქალებს მოდის მიმდევარ, დახვეწილ ქალებად უნდა თავის გასაღება. ამ მიზნით მძაფრ სუნამოებს ხმარობენ, რისკიანად, უგემოვნოდ იცვამენ და პირიქით, საწინააღმდეგო შედეგს აღწევენ.

ლომის ნიშნისანები მეგობრულნი, მაგრამ გრძნობაში არცთუ ღრმანი არიან. მათში თითქოს ჩამონტაჟებულია მექანიზმი, რომელიც მათ გრძნობებს აკონტროლებს და სწორედ იმ მომენტში გადართავს, როდესაც ლომის ღირსებას ჩრდილი უნდა მიადგეს. არცერთ ნიშანს არ შეუძლია ისე ერთბაშად და დაუნანებლად დატოვოს საყვარელი, როგორც ლომს.

როცა ლომი ახერხებს შეზღუდოს ბატონობის სურვილი, ტრაბახს მოუკლოს და ნება არ მისცეს თავსი უკიდურეს სიამაყეს, ყველაზე ამაღლდეს, იგი საუცხოო ხდება. ამ დროს მართლაც „მეფური ტიტულის“ ღირსია. მას დიდი კეთილშობილება შეუძლია, როცა ხალხთან ურთიერთობაში დემოკრატიულობას მიეჩვევა, ნახავს, რომ ხალხი ისედაც ყურადღების ცენტრში იყოლიებს მას. ლომმა ნაწილობრივ უნდა შეინარჩუნოს სცენიურობის ნიჭი პირადი ცხოვრებისათვის. უნდა მოიშალოს იმპულსურობა და გულფიცხობა, ისწავლოს თავისი გრძნობების გამოხატვა და სხვისი გრძნობების გათავისება.

სანამ სამაგიეროს შეთავაზებისთვის მზად არ არის, ამდენს ნუ მოსთხოვს სხვას. უნდა მიხვდეს, რომ არ ზრუნავენ იმაზე, სხვის თვალში როგორ გამოიყურებიან, პირიქით, იმის ცდაში არიან, რაც შეიძლება მეტი მიიღონ ამ ცხოვრებისაგან.

 

 

 

 

შემოქმედება და კარიერა

 

ლომებს მიდრეკილება აქვთ ცხოვრების დრამატული აღქმისაკენ. ალბათ იმიტომ არის, რომ ამ თანავარსკვლავედში დაბადებულ ადამიანებში ასტროლოგები პოულობენ იმათ, რომლებმაც თავიანთი ცხოვრება დაუკავშირეს სცენურ ხელოვნებას. ამ თანავარსკვლავედში დაბადებულთა შორის ბევრია მსახიობი, რეჟისორი, პროდიუსერი. ლომები კარგად ორიენტირებენ სიტუაციებში. მათ განსაკუთრებით კარგად გამოსდით ვიტრინების გაფორმება, მოდელირება და სამზარეულოს საქმე.

ლომებს იზიდავს დილეტანტური სამუშაო და ამიტომ, მიუხედავად მათი ნიჭისა და მძიმე შრომისა, ვერ აღწევენ დასახულ მიზანს. მათთვის აუცილებელია შეუთავსონ თავიანთი პროფესია პრაქტიკულ საქმიანობას. განსაკუთრებით ქალები, უპირატესობას ანიჭებენ სახლში მუშაობას. მაგრამ იმისთვის რომ მათ ყველაფრის გაკეთება მოასწრონ ოჯახურ ატმოსფეროში, მათთვის საჭიროა გრძნობდნენ გვერდით ისეთი ადამიანის, მეგობრის ყოფნას, რომელიც შთააგონებს მათ შემოქმედებითი მოღვაწეობისათვის. მაგრამ მხოლოდ სახლის საქმე არასოდეს აკმაყოფილებს ლომის ნიშნით დაბადებული ადამიანის ამბიციას. ისინი ხედავენ თავიანთ მოწოდებას იმაში, რომ მართონ სახელმწიფო და არა მხოლოდ უბრალო ოჯახური საქმეებით იყვნენ დაკავებულნი. ამ თანავარსკვლავედში დაბადებულებმა იციან გემო ნამდვილი ძალაუფლებისა და ამიტომაც ასეთი მოუთმენლობით იღწვიან დიდებისაკენ. ეს ადამიანები თავის ამბიციას იკმაყოფილებენ ადმინისტრაციულ მუშაობაში. უფროსად ყოფნა და სხვების თავისი გავლენის ქვეშ მოქცევა ლომებისთვის უფრო მთავარია, ვიდრე საზოგადოებისთვის სარგებლობის მოტანა.

 

ფსიქოსექსუალური დახასიათება

 

ლომები ჩვეულებრივ ძალიან ვნებიანი ხალხია. ცეცხლის ნიშანია და უკიდურესად მგრძნობიარეა. ლომისაა ჰოროსკოპის მეხუთე სახლი, რომელიც სიყვარულსა და სიამოვნებას განაგებს. ლომი ადვილად შეიძლება დანებდეს თავის სექსუალურ მისწრაფებებს და მხურვალე და ვნებიანი, ჩვენი საუკუნისათვის შესაფერისად თავისუფალი იყოს სექსის საქმეში, მაგრამ ლომი იშვიათად მიმართავს ველურ გზებს, სიამაყე არ უშვებს, თუმც ვნებებთან ბრძოლა ძნელია. ლომი ნაკლებ აგრესიულია ვიდრე სხვა ცეცხლის ნიშნები. ქალი ლომისათვის მოხიბვლის ეს პასიური ფორმა ცუდი როდია, რაგდან ტრადიციულად მამაკაცი უნდა იყოს აგრესიული, მაგრამ თუ მამაკაცი ლომი ჯუნგლების მეფე, იჭერს პოზიციას, რომელიც დედაკაც ლომს აიძულებს აგრესიული იყოს, მან შეიძლება ქალის კეთილგანწყობა სამუდამოდ დაკარგოს. იმის გამო, რომ მიყვებიან პრინციპს "შენ თავად უნდა მოხვიდე ჩემთან", ბევრ ლომს მოუცარა ხელი, მაგრამ შეცდომაში არ უნდა შეგვიყვანოს ამ მოჩვენებითმა გულგრილობამ. ლომი მამაკაცი განსაკუთრებით ვაჟკაცურია, ქალი კი ქალური. ლომი მამაკაცი ბატონობის მოყვარული კია მაგრამ სიყვარულში მეტისმეტად ნაზია და უხეშობას არასოდეს მიმართავს. ლომს ყოველთვის უნდა თავი ყველაზე ვაჯკაცურ საყვარლად მოგაჩვენოს, მას ძალიან აინტერესებს აკმაყოფილებს თუ არა იგი პარტნიორის სექსუალურ მოთხოვნილებებს. რადგან მისი სიყვარული მეტად ნაზია, იგი ცდილობს აამოს პარტნიორს, თუმცა მას დიდი დრო სჭირდება იმისათვის, რომ მისი ურთიერთობები მტკიცე იყოს, რომ მისი კეთილშობილური მამაკაცური სახება განმტკიცდეს. მხოლოდ ამის შემდეგ შეუძლია მას გარკვეული სექსუალური ქმედებების შესრულება. და როცა იგი ამას აკეთებს ესაჭიროება ქალი, მისი დედოფალი, რომელიც უნდა მიხვდეს, რომ ყველაფერი მხოლოდ მისი სიამოვნებისათვის კეთდება, თორემ ეს ლომი მამაკაცის სტილში სულაც არ არის. ქალი ლომი დახვეწილი დედოფლური მოთხოვნებით უნდა პასუხობდეს. იგი იქნებ პასიურადაც მოიქცეს, რათა თავის მბრძანებელს შეახსენოს რომ იგი მხოლოდ ქალია, მაგრამ თუ ქალი ლომი არაშაბლონურ პრაქტიკას ჩათვლის საჭიროდ თავისი მბრძანებლის შესანარჩუნებლად, იგი ვნებიან გარეულ კატად შეიძლება გადაიქცეს. ლომებს, კაცებსაც და ქალებსაც, მტკიცე, საჭირო და ხანმოკლე კავშირები ურჩევნიათ შიშველ სექსს. თუ მაინც უკავშირდებიან სხვა პარტნიორებს, მხოლოდ იმიტომ რომ არ მოწონთ, როგორ ექცევიან მათ ნამდვილი პარტნიორები. ისინი ახალ საყვარლებს ეძებენ და არა უბრალოდ პარტნიორებს. როცა ისინი აღმოაჩენენ ისეთ არსებას, რომელიც მათ სექსუალურ სულიერ და ინტელექტუალურ მოტხოვნებს აკმაყოფილებს, კიდევ დიდხანს ყოყმანობენ, სანამ ძველი სიყვარულის დატოვებას გადაწყვეტენ. გახსოვდეთ, ლომი თავისი მანერებისა და ქცევის ერთგულია. იგი თბილი და ვნებიანია, რაღაც მიზნის მისაღწევად შეიძლება სხვასაც აამოს. როცა ისინი პირად, საქმიან, სოციალურ სფეროში მანევრირებენ, ყველაფერს შეუმჩნევლად და მარჯვედ აკეტებენ. ქალებიც და კაცების დიდი მოთმინებით გამოირჩევიან და ამდენად ისეთ არასექსუალურ სტრატეგიას აწარმოებენ, რომელსაც დრო და მონდომება ჭირდება. მათ უნდათ გამორჩეულნი იყვნენ, ხოლო მათი სამეფო კარი სავსე იყოს კეთილშობილი და ინტელიგენტური ხალხით, რომელნიც მათ ბრძანებებს შეასრულებენ. ლომები ანგარიშით ქორწინდებიან. თუმცა პატიოსნად იქცევიან და თუ სხვებისგან ბევრს ითხოვენ თითონაც ბევრს სთავაზობენ მათ.

 

უარყოფითი თვისებები

რახან ზეციურმა ძალებმა ამდენი სიკეთე მიჰმადლეს ლომს, იგი ფხიზლად უნდა იყოს, რომ თვითკმაყოფილება არ დაეუფლოს. ლომს ისე ძალიან უნდა სხვებიც აიყოლიოს თავისი მისწრაფებების შესრულებაში, რომ ზოგჯერ ვერც ხვდება, რომ ცოტა თუა თანახმა თავისი „მე“ დათმოს ლომის საამებლად. გაცილებით მეტს მოიგებს, თუ უფრო დემოკრატიულად მიუდგება სხვების უფლებებსა და მისწრაფებებს.

ლომს ყოველთვის სურს, ხალხმა მასზე კარგი იფიქროს, თავის თავზე შემქმნილი იდეალური წარმოდგენა სხვებსაც გადასდოს. ამისათვის ხშირად კეთილშობილების ნიღაბს იფარებს, რათა ქება დაიმსახუროს. კარგი იქნება, თუ მართლა შეითვისებს კეთილშობილების მოჩვენებით იერს, მაშინ მისი უარყოფითი თვისება – თვალთმაქცობა – დადებითადაც შეიძლება იქცეს, თორემ ეს ყველაფერი ზერელობაში გადაიზრდება. და კიდევ, ლომი არ უნდა წამოეგოს ბრიყვებისთვის განკუთვნილ ანკესზე – პირფერობაზე.

 

დადებითი თვისებები

ტიპიური ლომი მბრძანებლური და კეთლშობილური ნიშანია. მას დიდი საშემსრულებლო უნარი აქვს, იგი ხელმძღვანელობისათვის არის დაბადებული. ყველასათვის მიმზიდველია და, როცა მას რაიმე გარკვეული პირადი მიზნების მიღწევა უნდა, მის მომხიბლაობას წინ ვერავინ აღუდგება, მზე, ლომის მმართველი –მძლავრი მოკავშირეა და ლომს იმდენი ძალ–ღონის დაძაბვა არ სჭირდება, რამდენიც სხვა ნიშნებს. იგი ისედაც აღწევს მიზანს, რადგანაც ხალხი მას აღმერთებს და ხელს უწყობს, მაგრამ ლომმა თავის პატივმოყვარეობას გასაქანი არ უნდა მისცეს, თრემ შეიძლება ბუზღუნაც გახდეს. ჩვენდა საბედნიეროდ, ლომი თავიანთ უნარს ძირითადად საზოგადოების სასიკეთოდ იყენებენ; ისინი მუხლჩაუდგამი მშრომელები არიან და ცხოვრებაში ყველაფერს პატიოსანი გზით აღწევენ. მათ იციან, როგორ გამოიყენონ ძალაუფლება, მე მგონი, ღირსეულად უწოდებთ მათ მეფეებს და დედოფლებს.

 

 

ყველაზე უფრო შესაფერისი პარტნიორები

 

ვერძი – წარმატებული კავშირია. მათ საკმაოდ კარგად ესმით ერთმანეთის. მათი ქორწინება შესაძლებელია მოწიფულ ასაკშიც კი. მათ გამძაფრებულ ემოციებს ხშირად მოჰყვება ჩხუბი, მაგრამ ადვილად შერიგდებიან.

 

 

კურო – ეს კავშირი ძალიან რთულია ორივესათვის. მაგრამ ქორწინების შემთხვევაში ორივე ცდილობს ერთმანეთის გატანას. მიუხედავად მათ შორის მუდმივი ჩხუბისა, ისინი ოჯახს ინარჩუნებენ

 

 

ტყუპები – ერთ-ერთი წარმატებული კავშირია. აქ გაერთიანებულია გული (ლომი) და გონება (ტყუპები). ქორწინებაში ისინი ცხოვრობენ სხვადასხვა სფეროში, მაგრამ მათ შორის კარგი ურთიერთგაგებაა. სექსუალურ ურთიერთობებში კარგად ეთვისებიან. მათი კავშირი ყოველთვის ნათელი და ელვარეა.

 

 

კირჩხიბი – ეს კავშირი რთულია ლომისათვის. ნამდვილი ლომი იშვიათად ინტერესდება კირჩხიბით, მაგრამ თუ ეს მოხდა, იგი ადვილად გაებმება მახეში და მისი საქმე წასულია. სექსუალურ ურთიერთობებში ისინი ცუდად ეთვისებიან.

 

 

ლომი – ასეთი ურთიერთობები საკმაოდ ხშირია. ეს არის ორი მოსიყვარულე პარტნიორის ურთიერთობა, რომლებსაც გააჩნია საერთო ინტერესები და ძლიერი გრძნობები, რასაც დიდხანს ინარჩუნებენ.

 

 

ქალწული – დასაწყისში მათი ურთიერთობა ბრწყინვალეა. ისინი კარგი პარტნიორები არიან, თუმცა ქალწული ცდილობს ითამაშოს თავისი წესებით. რადგან მას სხვანაირად ურთიერთობა არ შეუძლია. ეს კავშირი მალევე ინგრევა ხშირი ჩხუბისა და გარჩევების შედეგად. თუმცა სექსში ისინი კარგად უგებენ ერთმანეთს.

 

 

სასწორი – მათი ქორწინების შემთხვევაში სტატისტიკის მიხედვით განქორწინების მაჩვენებელი საკმაოდ დაბალია. მათ შორის ურთიერთინტერესი პირველივე შეხვედრისთანავე ვლინდება. ალბათ ამიტომაც არის რომ ერთობლივი ცხოვრება, როგორც ქორწინებამდე, ასევე მის შემდეგადაც სავსეა სიხარულითა და ბედნიერებით, სულიერი სიმშვიდითა და ურთიერთგაგებით. პარტნიორები საკმაოდ ადვილად ეთვისებიან ერთმანეთს და ერთად მიდიან მწვერვალისაკენ. თუ ლომი სასწორს ფინანსურად უზრუნველყოფს, მაშინ მათ სახლში დაისადგურებს სიხარული და სიყვარული. ამ ქორწინების შემთხვევაში სასწორებმა მუდამ უნდა იზრუნონ მათ შინაგან სილამაზეზე და მიმზიდველობაზე, და ამასთანავე არ დაკარგონ სადღესასწაულო იერი. მათ ყოველთვის უნდა გამოხატონ ლომისადმი აღფრთოვანება და სურვილი, და გამოიყენონ ყველა საშუალება მათ დასაპყრობად.

 

 

მორიელი – სექსუალურ ურთიერთობებში შესაფერისი წყვილია. ლომს მოსწონს მორიელის გაღიზიანება, რაზედაც მორიელი "იკბინება". მათი კავშირი საკმაოდ რთულია, თითოეული იცხოვრებს თავისი ცხოვრებით, წყენის მოგონებებით.

 

 

მშვილდოსანი – ეს კავშირი ერთდროულად აქტიურია და საქმიანი. ცხოვრების პირველ ეტაპზე იდეალური წყვილის შთაბეჭდილებას ტოვებენ. მშვილდოსანისათვის დამახასიათებელი შტრიხი ჩაერიოს სხვის საქმეებში, გააღიზიანებს ლომს. სექსუალურ ურთერთობებში კი კარგად შეეფერებიან.

 

 

თხის რქა – როგორხ წესი, ეს კავშირი ნაღვლიანია და რთული. თხის რქა დიდხანს იტანს ლომს, სანამ მოსწონს, მაგრამ როდესაც შეამჩნევს ლომის გულცივობას, ის იწყებს თავისი წყენის ამოფრქვევას. სექსში ისინი გულცივები არიან. ისინი ინტელექტუალურ ურთიერთობებში კარგად უგებენ ერთმანეთს, ემოციები დიდ როლს არ თამაშობენ.

 

 

მერწყული – ეს საინტერესო კავშირია და ხშირად გვხვდება. მერწყული და ლომი ერთად კარგად გრძნობენ თავს. მერწყულს არ მოსწონს, რომ ლომი მხოლოდ თავის თავისთვის ცხოვრობს, ხოლო ლომს კი მისი დამოუკიდებლობა. მიუხედავად მათი მწვავე ჩხუბისა, ეს ურთიერთსაწინააღმდეგო კავშირი დიდხანს გრძელდება, გაყრა მათთვის იშვიათია.

 

 

თევზები – ლომს ძალიან მოსწონს თევზების სისუსტე, რითაც ხშირად ბოროტად სარგებლობს. ლომისგან მოტყუებული თევზები ხშირად გაურკვეველ ვითარებაში რჩებიან. ლომი მთლიანად ენდობა თევზებს. თუმცა გულნატკენ თევზებს ხშირად აღიზიანებთ ლომის უხეშობა, მაგრამ მიუხედავად ამისა ეს კავშირი წარმატებულია და დიდხანს გრძელედება.

 

 

ლომო, ჩვენ ასტროლოგები გეკითხებით

როდის შეიგნებ, რომ უნდა შეურიგდე საყვარელს, რომელიც ყოველთვის როდის გაამებს, ყოველთვის როდი გეფერება პირში, მოითხოვს რომ ზოგჯერ საკუთარ თავს სხვისი თვალით შეხედო? თუ ამას იზავ და შენს საქციელსაც გადასინჯავ, ნამდვილად გაამართლებ შენი შესანიშნავი ნიშნის მოლოდინს.

როდის შეიგნებ, რომ სიამაყე დაცემის წინაპირობაა და როცა შენ ეცემი, ნამდვილად ეცემი? არაფერია ბორკილდადებული მეფის ნახვაზე უფრო ცუდი.

რატომ ხარ ასეთი ჯიუტი? მაგრამ მეც ვხვდები: შენ არ შეგიძლია საკუთარ ბუნებას უღალატო, იმიტომ რომ ზოდიაქოს ყველა შვილთა შორის, შენ ყველაზე უკეთ იცი ცხოვრების ხელოვნება.

ხედავ, მეც როგორ განებივრებ? იმიტომ რომ შენ მზის მძლავრი შვილი ხარ.